Хабиров Радий Фаритович
Ра́дий Фари́тович Хаби́ров (башк. Радий Фəрит улы Хəбиров, төр. Кулун тутар 20 1964, Сайраново дэр., Ишимбайский район, Башкир АССР, РСФСР, ССРС) — российский бэлиитигэ. 2018 сыл алтынньы 11 күнүттэн Башкортостан Өрөспүүбүлүкэтин баһылыгын эбээһинэһин быстах кэмҥэ толорооччу.
Олоҕун олуктара
Учууталлар дьиэ кэргэннэригэр төрөөбүт. Үс уолтан кыралара[1].
Үөрэҕэ
1984—1989 — Башкир судаарыстыбаннай үнүбэрсиэтин юрфагын устудьуона.
1992—1994 — Университета Билькент үнүбэрсиэтин маҕыстыраана, Анкара, Туурсуйа.
Сэбилэниилээх күүстэргэ сулууспа
1982—1984 — ССРС Сэбилэниилээх күүстэрин болдьохтоох байыаннай сулууспалааҕа.
Үлэтэ
1981—1982 — Ишимбайдааҕы көлө машинострениетын собуотугар фрезеровщик үөрэнээччитэ.
1989—1992 — БашГУ юрфагын судаарыстыба быраабын уонна тутуутун хаапыдыратын ассистена, БашГУ устудьуоннарын профкомун босхоломмут бэрэстээтэлэ.
1994—1998 — БГУ юрфагын бас преподавателэ.
1998—2002 — БГУ юрфагын дэкээнин солбуйааччы, дассыан.
2002—2003 — Башкир судаарыстыбаннай үнэбэрсиэтин Быраап үнүстүүтүн дириэктэрэ.
Бэлиитикэҕэ карьерата
Балаҕан ыйа 2003 — От ыйа 2008 — Башкортостан Өрөспүүбүлүкэтин Бэрэсидьиэнин дьаһалтатын салайааччыта.
Атырдьах ыйын 27 2008 — Ахсынньы 2008 — Арассыыйа Федерациятын Бэрэсидьиэнин ис бэлиитикэҕэ дьаһалтатын Федерация Мунньаҕын уонна бэлиитикэ баартыйаларын кытта алтыһар дэпэртээмэн дириэктэрэ.
2009 сыллаахтан — РФ Бэрэсидьиэнин ис бэлиитикэҕэ Управлениетын салайааччытын солбуйааччы.
Балаҕан ыйын 19 2016 — РФ Бэрэсидьиэнин ис бэлиитикэҕэ Управлениетын салайааччытын солбуйааччы дуоһунаһыттан уурайар туһунан сайабылыанньа биэрбит[2].
Тохсунньу 25 2017 — Москуба уобалаһын Красногорскайдааҕы куорат уокуругун баһылыгын эбээһинэһин быстах кэмҥэ толорооччу.
Кулун тутар 28 2017 — Алтынньы 11 2018 — Москуба уобалаһын Красногорскайдааҕы куорат уокуругун баһылыга.
Башкортостан Өрөспүүбүлүкэтин Баһылыгын эбээһинэһин быстах кэмҥэ толорооччу
2018 сыл алтынньы 11 күнүттэн Башкортостан Өрөспүүбүлүкэтин Баһылыгын эбээһинэһин быстах кэмҥэ толорооччу[3]. Башкортостан Өрөспүүбүлүкэтин Баһылыгын талыы 8 сентября 2019 года буолуохтаах[4].
Классный чин
2 кылаастаах дьиҥ судаарыстыбаннай советник (2009 сыл ыам ыйын 7 к., РФ Бэрэсидьиэнин № 520 Ыйааҕынан)[5].
Наҕараадалара уонна сыбаанньалара
- РФ Бэрэсидьиэнин Бочуотунай грамотата ( 2014 сыл, муус устар 11)[6]
- Кырыым Өрөспүүбүлүкэтин «За верность долгу» уордьана (13 марта 2015 года)[7]
Юридическэй билим хандьыдаата. 1998 сыллаахха «Становление и развитие права на благоприятную окружающую среду в Российской Федерации» диэн диссэртээссийэни көмүскээбитэ[1].
Башкортостан Өрөспүүбүлүкэтин үтүөлээх юриһа.
30-тан тахса бэчээттэммит билим үлэлээх.
Дьиэ кэргэнэ
Лариса Лукьянова диэн бастакы ойоҕуттан (1987 сылтан 2013 сылга диэри кэргэнниилэр этэ) Светлана диэн 1989 с.т. уонна Рита диэн 1998 с.т. кыргыттардаах[8]. 2014 сыллаахха Светлана Хабирова эргэ тахсыбыта.[9]
Иккис ойоҕо — Каринэ Хабирова (урукку араспаанньата — Аветисян[10]), врач-стоматолог. Уола Фарит 2017 с.т.
Ойоҕо живопиһинан дьарыктанар. Каринэ бастакы эриттэн уола эмиэ Радий Хабиров дьиэтигэр иитиллэр.[9][11]
Оҕолорун уонна бэйэтин туһунан:
Мин мусульмааммын. Ол эрээри дьикти баҕайытык үс оҕом үһүөн православнай итэҕэллээхтэр!
Дьарыга
Классическай уонна гириэк-риим тустуутугар успуорт маастара[12] по классической и греко-римской борьбе (воспитанник ДЮСШ № 2 Ишимбая[13]). Классиканы ааҕарын сөбүлүүр, ааҥыл тылын үчүгэйдик билэр[1].
Быһаарыылар
Сигэлэр
- Личная страница в "Фейсбук"е
- Азат Бадранов. Перемены в Башкирии(нууч.). интернет-журнал «Рабкор» (13 Алтынньы 2018). Тургутулунна 14 Алтынньы 2018.