Ыстыбаев, Бейбит
Бейбит Ыстыбаев (каз. Бейбіт Ыстыбаев, төр. 1985, Болтирик сэл., Таласс оройуона, Жамбыл уобалаһа, Казахстаан[1]) — казах биллэр көстөр, улаханнык аатырар тустууна.
Бейбит Ыстыбаев кахаз күрэһигэр (күрес) Аан дойду уонна Азия чөмпүйүөнэ, казах күрэһигэр "Туйе палуаны" диэн категориятыгар ыытыллар Казахстан өрөспүүбүлүкэтин хас да төгүллээх кыайыылааҕа. "Казахстан барысы" (Казахстан барса (кыыл)) диэн өрөспүүбүлүкэ биир саамай улахан түһүлгэтин -- күрэс турнирын үс төгүллээх муҥутуур кыайыылааҕа . Дзюдоҕа Казахстан өрөспүүбүлүкэтин чөмпүйэнээттэрин хас да төгүллээх призера
Биографията
Бейбит Ыстыбаев аан бастакы тус тириэньэрэ Елдос Далбаев[2]
Кини 2011 сыллаахха казах норуотун күрэс диэн национальнай тустуутугар ыытыллар "Казахстан Барысы" турнирын үрүҥ көмүс призера буолбута
2012 сыллаахха балаҕан ыйыгар эмиэ күрэс национальнай тустуутугар Казахстан Бэрэсидьиэнэ Нурсултан Назарбаев бирииһигэр ыытыллар "Казахстан Барысы" чөмпүйэнээтин муҥутуур кыайыылааҕа буолбута.
2015 сыллаахха от ыйыгар "Казахстан Барысы" өрөспүүбүлүкэ аһаҕас турнирыгар иккис төгүлүн чөмпүйүөннээбитэ.. Күрэхтэһии саамай сүрүн бирииһин -- кыһыл көмүс тайтуяк трофейын кыайбыта уонна 150 тыһыынча эмиэрикэ дуолларынан, Судаарыстыба Баһылыгын махтал суругунан уонна анал мэтээлинэн наҕараадаламмыта[3] Бейбит Ыстыбаев ити улахан күрэхтэһиигэ кыайан хотон кэлбитин кэннэ, кинини уобалас акима Карим Кокрекбаев көрсөн приемнаабыта. Ол көсрүһүүгэ киниэхэ махталларын бэлиэтигэр саҥа массыына бэлэхтээбиттэрэ[4]
2016 сыллаахха от ыйыгар Бейбит Ыстыбаеы "Казахстан Барысы -- 2016" күрэскэ, аны, үһүс төгүлүн чөмпүйүөннээбитэ. Кыайыытыгар бириис быһыытынан чһмпүйүөн курун, 25 мөлүйүөн тэнгени, Астана куоракка кыбартыыра ылбыта[5].[6][7][8][9]
«Ерен Енбегi Ушін» (Үлэҕэ килбиэнин иһин) (2017) диэн бырабыыталыстыба бэлиэтинэн наҕараадаламмыта.
Тус олоҕо
6 сааһыгар төрөппүттэрин кытта Тараз куоракка көһөн кэлбитэ.[1]
Үөрэҕинэн — юрист.[1]
Аҕата — Абдрахман Кульбаевич,ырыынакка атыыһыттаабыта[1] Ийэтэ Ляззат — дьиэтин көрөн олорор.
Улахан убайа — Шерхан.[1]
Быраата — Аян.[1]
Балта — Эльмира.[1]
2014 сыллаахха кулун тутар 23 күнүгэр Айгерим диэн Алмататааҕы медиссиинэ институтугар үөрэнэр магистрант кыыһы ойох ылбыта.[1][10][11] Урууларын малааһына Тараз куорат биир улахан эрэстэрээнигэр буолбута. Кэргэнниилэр Бексултан диэн уоллаахтар уонна биир кыыстаахтар[12].
Бэлиэтээһиннэр
Сигэлэр
- Результаты выступлений на международных соревнованиях спортсменов РКХалыып:Недоступная ссылка
- «Казахстанская правда»: Палуан из ТаразаХалыып:Недоступная ссылка
- «Тараз Times»: Палуан земли жамбылской
- Официальный аккаунт в instagram:https://www.instagram.com/istybayev_beibit/