Ыһыраайыл уон икки бииһэ

Ыһыраайыл уон икки бииһэ (ивр. שִׁבְטֵי יִשְׂרָאֵל‎) диэн Дьаакып уон икки уолуттан төрүттээх биистэр. Бу биистэртэн Дьэбэриэй дьоно турар. Ытык суруйуу кэпсииринэн, Дьаакып уолаттарын ийэлэрэ кини икки ойоҕо (Лиэйэ уонна Рахил) уонна икки нүһэйэ (Билха уонна Зилпа) буолаллар.

Лиэйэ уолаттара: Рувим, Симеон, Леви, Иуда, Иссахар, Забулон
Рахил уолаттара: Дьуоһуп, Биньямин
Билха уолаттара: Дан, Нафтали
Зилпа уолаттара: Гад, Ашер

Дьуоһуп икки уоллааҕа Эфраим уонна Манасия. Дьаакып кинилэри икки биис төрүттээччилэринэн анаабыта. Ол иһин Дьуоһуп аатынан биис Ыһыраайыл биистэрин тиһилигэр суох. Кини оннугар уолаттарын Эфраим уонна Манасия биистэрэ бааллар. Леви удьуордара Таҥара дьоно буолбуттарын иһин кинилэр биистэрэ тиһиликкэ ураты оруннаах.

Биистэр сирдэрэ

Ыһыраайыл сиригэр хас биирдии биис өлбүгэ сирдэммитэ.

Дан бииһэ: Яффа уонна Экрон.
Ашер бииһэ: Кармель хайа, Акка, Ахзивка уонна Сидоҥҥа тиийэ сирдэр.
Забулон бииһэ: Бэтлэһэм.
Иссахар бииһэ: Табор хайа.
Биньямин бииһэ: Иерихон, Гибеон, Иерусалим.
Симеон бииһэ: Беершеба.
Манасия бииһэ: Голан үрдэллэрэ, Башан, Мегиддо.
Гад бииһэ: Галаад, Хешбон, Иордантан илиҥҥи сирдэр.
Иуда бииһэ: Хеброн уонна Өлбүт байҕал арҕаа кытылыгар дылы сирдэр.
Эфраим бииһэ: Сихем уонна Бэтэл.
Нафтали бииһэ: Галилея уонна Кедеш.
Рувим бииһэ: Иордантан илиҥҥи сирдэр, Арнон өрүс кытыллара.

Леви бииһэ Таҥара дьоно буоланнар Ыһыраайылга сирдэммэтэхтэрэ. Кинилэр атын биистэр сирдэригэр уонна хотолоругар аҕабыыт быһыытынан олорор көҥүллээхтэрэ.

Биистэр дьаралыктара

Ашер
Биньямин
Дан
Эфраим
Гад
Иссахар
Иуда
Манасия
Нафтали
Рувим
Симеон
Забулон