Эвджен Фахрие
Фахрие́ Эвдже́н Озчиви́т (туур. Fahriye Evcen Özçivit; 1986 сыллаахха бэс ыйын 4 күнүгэр төрөөбүт, Турция, Золинген) — турок киинэ уонна тэлэбиидэнньэ биллиилээх артыыһа, сулуһа.
Биографията
Фахрие Эвджен 1986 сыллаахха бэс ыйын 4 күнүгэр Хотугу Рейн-Вестфалияҕа Золингене куоракка Салоникиттан күрээн кэлбит турок киһитин уонна адыыг дьахтарын дьиэ кэргэнигэр төрөбүт. Фахрие оҕо сааһа Золингене куоракка, туроктарга уустук кэмнэргэ ааспыта. Фахрие орто оскуолана ситиһиилээхтик бүтэрэн баран Генрих Гейне аатынан Дюссельдорф университетын киирбитэ уонна онно социологияны үөрэппитэ. Дюссельдорфка үөрэнэ сылдьан, 2005 сыллаахха, Фахрие ийэтин кытта Стамбул куоракка сынньана кэлэ сылдьыбыта уонна онно соһуччу баҕайы «Никогда не забывай» диэн ааттаах киинэ сэрийээлигэр оруолга ылыллыбыта. Киинэ уһуллан бүппүтүн кэннэ Фахрие артыыс быһыытынан үлэтин салгыырга санаммыта уонна үөрэҕэр академическай уоппусканы ылбыта.
Сотору буолан баран Гюнтекин «Листопад» арамаанынан уүуллубут аныгы киинэҕэ оруол ылбыта. Ол оруолун кэннэ кини Турция дьонугар сэргэтигэр киэҥник биллэн көстөн барбыта, аатырбыта. Ити кэннэ эмиэ хас даҕаны оруолга ситиһиилээхтик оонньообута. 2009 сыл саҕаланыытыгар Фахрие Босфор университетыгар киирэн историяны[1] үөрэппитэ. Ол гынан баран «Листопад» сэрийээлгэ уһулларыгар буолан, үөрэҕин тохтоторго күһэллибитэ. 2013 сылтан Фахрие Решат Нури Гюнтекин — «Королёк — птичка певчая»[2] айымньытынан киинэҕэ, «Курт Сеит и Шура» сэрийээлгэ, «Любовь похожа на тебя»[3] киинэҕэ, онтон да аттыттарга ситиһиилээхтик оонньообута.
Тус олоҕо
2015 сыллаахха «Любовь похожа на тебя» киинэҕэ уһулла сылдьан Бурак Озчивит артыыстыын билсэн саҕалаабыта. Ол иннинэ кинилэр 2013 сыллаахха «Королёк — птичка певчая» сэрийээлгэ оонньооуббатар. 2017 сыллаахха кулун тутар 9 күнүгэр Германияҕа биһилэхтэммиттэрэ, ол сыл бэс ыйын 29 күнүгэр Стамбулга ыал буолбуттара. 2019 сыллаахха Каран диэн уоламмыттара[4].