Яковлева Татьяна Николаевна
Яковлева Татьяна Николаевна, РСФСР норутотун үөрэҕэриитин туйгуна, "Үлэ кэлбиэнэ" орден үһүс истиэпэннээх кавалера. Ахсынньы 10 күнүгэр 1944 сылга, Сунтаар улууһун Аллаҥа нэһилиэгэр төрөөбүтэ.
Олоҕун олуктара
1970 сыллаахха Саха государственнай университетын физика уонна математика факультетын бүтэрэн баран, Сунтаар улууһун Арыылаах орто оскуолатыгар үлэлии кэлэр.
Учуутал аналлаах, Татьяна Николаевна үөрэтэр предметин таптыыр уонна билэр, толкуйдаахтык уонна көтөҕүллүүлээхтик үлэлиир. Яковлева Татьяна Николаевна сэмэй быһыытынан, киһини умсугутар кэрэ майгытынан, сыалы тутуһар, ирдэбиллээх уонна кырдьыктаах улэтинэн оскуоланы бүтэрбит элбэх көлүөнэ таптыыр учуутала буолар. Үлэни таптыыр, бэйэтигэр уонна үөрэнээччилэригэр ирдэбиллээх, элбэх ситиһиилэрдээх. Бэйэтин бэйэ быһаарыыны өйүүр, кэтэхтэн ыытыллар Мустакимовскай олимпиадаҕа уонна математика оскуолатын “Дьоҕур” математическай турдарыгар кыттар үөрэнээччилэригэр туспа болҕомтону уурар.
Татьяна Николавна математика кабинетын арыйбытын кэннэ, бу учууталга аналлаах биир туспа лаборатория буолбута, манна хас биирдии үөрэнээччи, төрөөппүт уонна кылаас салайааччыта хонтуруолунай, экзамен, зачет о.д.а улэтин туһунан информация билиэн сөп. Улуустааҕы көрүү күрэхтэригэр кабинет, икки төгүлүн бириистээх миэстэлэри ылааччы. Оскуола кабмнет быһыытынан холбурунан буолар.
Учуутал, директоры үөрэх чааһыгар солбуйааччыта, математика учууталларын методическай түмсүү салайааччыта, РОНО общественнай салаатын хонтуруоллуур киһитэ, эдэр учууталлар сүбэһитэ – Татьяна Николаевна профессиональнай суола.[1]
Наҕараадалара, ытык ааттара
- "Үлэ кэлбиэнэ" орден үһүс истиэпэннээх кавалера