Өрөспүүбүлүкэтээҕи №2-дээх балыыһа

Өрөспүүбүлүкэтээҕи №2-дээх балыыһа приемнай отделениетыгар күн аайы 100 тахса ыарыһах көрдөрүнэ кэлэрэ бэлиэтэнэр. Бу уопсай көрдөрүүттэн оһоллонуу уонна сүһүрүү ордук баһыйан тураллар, иккиһинэн – куртах ыарыыта, үсүһүнэн – хаан эргиирин ыарыыта. Быраастар сыл аайы 15 тыһыынчаттан тахса ыарыһахтары балыыһаҕа сытыаран эмтииллэр, ону таһынан 10 тыһыынчаттан тахса эппэрээссийэ оҥороллор. 7 араас идэлэринэн үрдук таһымнаах медицинскэй көмөнү оҥороллор.

Өрөспүүбүлүкэтээҕи №2-дээх балыыһа быраастара сүрүн кадровай састаабынан өрөспүүбүлүкэ оройуоннарын кэрийэллэр, ыарыһахтары көрөллөр-истэллэр, практическай көмө оҥороллор. Балыыһа кэлэктиибэ урукку үгэһи батыһарга дьулуһар, билиҥҥи олох стиһиитин туһанар уонна үлэһиттэринэн киэҥ туттар.

Орто анал, үрдүк уонна эбии үөрэх кыһаларыгар №2-дээх балыыһа клиническай база буолан турар. Ол курдук, балыыһа сүрүн салаалара М. К. Аммосов аатынан Хотугулуу-Илиҥҥи федеральнай университет Медицинскэй үнүстүүт 12 хаапыдыратыгар уопуттаах устудьуоннары бэлэмнииргэ улахан клиническэй база буолан тураллар. Хаапыдыра үлэһиттэрэ отделениеннан сылдьан ыарыһахтар туруктарын сыаналыыллар, күннээҕи үлэҕэ улахан көмөнү оҥороллор. Профессордар уонна хаапыдыра уһуйааччыларын салайыыларынан уопсай уонна аҥардас идэлээх быраастар араас билим кэмпириэнсийэлэригэр, научнай сүрүннээх киэҥ мунньахтарга, сийиэстэргэ кытталлар.

Өрөспүүбүлүкэтээҕи №2-дээх балыыһа СӨ доруобуйатын харыстабылын кытары тэҥҥэ сөптөөх суолунан баран иһэр: балыыһа үлэһитэ элбээтэ, материальнай уонна өй-санаа күүстэрэ улааттылар, саҥа тэриллэринэн хааччылынныбыт, быраастар уустук медицинскэй технологиялары олоххо туһанарга үөрэнэллэр, бу сайдыы биир сүрүн сыала – эмсэҕэлэммит киһи доруобуйатын чөлүгэр түһэрии.

Суруйда: Прокопьева Милада