بارڪ اوباما
بارڪ اوباما | |
---|---|
(انگريزي ۾: Barack Obama)[1][2] | |
معلومات شخصيت | |
ڄم جو نالو | (انگريزي ۾: Barack Hussein Obama II) |
ڄم | 4 آگسٽ 1961 (63 سال)[3][4][5][6][7][8][9][10][11][12][13][14][15] |
رهائش | لاس اينجلس (1979–1981)[1][2]شڪاگو (1985–20 جنوري 2009)[1][2]نيو يارڪ شهر (1981–1985)[1][2]جڪارتا [1][2] |
شھريت | آمريڪا [16][17][18] ڪينيا (–4 آگسٽ 1982)[19][20] |
نسل | امریکی افریقی [21] |
قد | |
وزن | |
بيماري | ڪوروناوائرس روڳ 2019 [22] |
ٻارن جو تعداد | |
عملي زندگي | |
پيشو | سياستدان [23] |
مادري ٻولي | انگريزي ٻولي [1][2] |
ڪم جي ٻولي | انگريزي ٻولي [24][25] |
اعزازات | |
نوبل امن انعام (2009)[26] | |
دستخط | |
ويب سائٽ | |
ويب سائٽ | باضابطہ ویب سائٹ (انگريزي ٻولي )[1][2] |
IMDB تي صفحو | |
ترميم |
آمريڪا جي 44 هين صدر جي حيثيت سان قسم کڻندڙ ڪاري نسل وارو نئون چونڊيل صدر بارڪ حسين اوباما 4 -آگسٽ- 1961ع تي آمريڪي رياست ’هوائي‘ (Hawaii) ۾ پيدا ٿيو. سندس والد جو واسطو ڪينيا سان هو، ٻن سالن جي عمر ۾ سندس والدين ۾ علحدگي ٿي وئي، جنهن کانپوءِ سندس ماءُ ٻي شادي ڪري -انڊونيشيا- منتقل ٿي وئي، -جتي- بارڪ اوباما جڪارتا ۾ ابتدائي -تعليم- حاصل ڪئي. بارڪ اوباما 1996ع ۾ آمريڪي رياست ايلي نائي (Illinois) جو -اسيمبلي- ميمبر چونڊجي پنهنجي سياسي ڪيريئر جي شروعات ڪئي. هو 10 سالن جي عمر ۾ هڪ ڀيرو ٻيهر -آمريڪا- ۾ پنهنجي ناناڻي گھر منتقل ٿيو، -جتي- هن هارورڊ اسڪول مان 1979ع ۾ گريجوئيشن ڪئي. اعليٰ -تعليم- لاءِ بارڪ اوباما نيويارڪ منتقل ٿي ويو ۽ ڪولمبيا يونيورسٽيءَ مان 1983ع ۾ سياست جي دگري حاصل ڪئي. نيويارڪ ۾ 16 سال رهڻ کانپوءِ بارڪ اوباما شڪاگو هليو ويو. -جتي- هن پنهنجي عملي زندگيءَ جي شروعات ڪئي. بارڪ اوباما ۽ مشل رانسن جي 1979ع ۾، شڪاگو ۾ ملاقات ٿي ۽ ٻنهي 03 نومبر 1992ع ۾ شادي ڪئي. بارڪ حسين اوباما ٻن ڌيئرن 10 ورهين جي حاليا ۽ 07 سالن جي نتاشا جو پيءُ آهي. بارڪ اوباما ٻن ڪتابن جو ليکڪ به آهي. -جنوري- 2003ع ۾ هو ايلي نائي اسيمبليءَ جي هيلٿ اينڊ هيومن سورسز سوسائٽيءَ جو چيئرمئن چونڊجي آيو. 2004ع ۾ بوسٽن ۾ بارڪ اوباما ڊيموڪريٽڪ جي قومي ڪنوينشن ۾ اهم خطاب ڪيو ۽ بش انتظاميه تي ڇتي -تنقيد- ڪئي. -ان- خطاب تي اوباما کي ڀرپور موٽ ملي ۽ هو سڄي -آمريڪا- ۾ مشهور ٿي ويو. هن آمريڪي سينيٽ جي قانون سازيءَ ۾ پڻ اهم ڪردار ادا ڪيو. هن 10 فيبروري 2007ع تي -آمريڪا- جي صدارتي چونڊون وڙهڻ جو اعلان ڪيو. هن اڳ ۾ ڊيموڪريٽڪ -پارٽي- طرفان نامزدگيءَ لاءِ پنهنجي مخالف هيلري ڪلنٽن کي سخت مقابلي کانپوءِ شڪست ڏئي مخالفن کي حيران ڪري ڇڏيو، جنهن کانپوءِ صدارتي چونڊن ۾ پنهنجي مخالف ريپبلڪن اميدوار جان مڪين کي شڪست ڏئي ۽ -آمريڪا- جو 44 هون صدر چونڊجي ويو.[27]