ගැඹුරු ජාලය

ගැඹුරු ජාලය^[1], අදිසි ජාලය^[2] හෝ සැඟවුණු ජාලය^[3] (ඉංග්‍රීසි: Deep Web, Invisible Web, Hidden Web) යනු වෙබ් සෙවුම් යන්ත්‍ර‍ මගින් සුචිගත කර නොමැති අන්තර්ගතයන් සහිත විශ්ව විසිරි වියමනෙහි කොටස් ය. ඕනෑම අන්තර්ජාල පරිශීලකයෙකුට පහසුවෙන් පිවිසිය හැකි මතුපිට ජාලය මෙන් නොව^[4], ගැඹුරු ජාලයට පහසුවෙන් පිවිසිය නොහැක. ගැඹුරු ජාලය යන වචනය හඳුන්වා දෙනු ලැබුවේ පරිගණක විද්‍යාඥ මයිකල් කේ. බර්ග්මන් විසින් 2001 දී ය.^[5]

වෙබ් තැපැල් සේවා, අන්තර්ජාල බැංකු සේවා, පුද්ගලික හෝ සීමිත-ප්‍රවේශ සහිත සමාජ මාධ්‍ය ගිනුම්, නැරඹීම සඳහා ලියාපදිංචි වීම අවශ්‍ය වන වෙබ් පිටු, පරිශීලකයා විසින් ගෙවීම් සිදුකළ යුතු සේවා ආදිය ගැඹුරු ජාලය තුල ක්‍රියාත්මක වේ. නිවැරදි URL ලිපිනය හෝ IP ලිපිනය ඇතුලත් කිරීම මගින් ගැඹුරු ජාලයට සාමාන්‍ය වෙබ් බ්‍රවුසරයකින් වුවද පිවිසිය හැකි නමුත්, බොහෝවිට ඒවා මුරපද වැනි ආරක්ෂක පියවර වලින් සමන්විත වේ.