Sistemi i Kombeve të Bashkuara

Sistemi i OKB-së përbëhet nga OKB-ja, organet ndihmëse të saj (duke përfshirë edhe fondet dhe programet që administrohen ndaras), agjencitë e specializuara, dhe organizatat e lidhura. Krerët ekzekutiv të disa organizatave të Sistemit të OKB-së dhe Organizatës Botërore të Tregtisë, e cila nuk është zyrtarisht pjesë e Sistemit të OKB-së,^[1][2][3] kanë ulëse në Bordin për Koordinim të Krerëve Ekzekutiv të Sistemit të OKB-së (CEB).^[4] Ky organ, i drejtuar nga Sekretari i Përgjithshëm i OKB-së, takohet dy herë në vit për të koordinuar punën e organizatave të Sistemit të OKB-së.^[5][6] Disa nga organizatat e Sistemit të OKB-së datojnë para themelimit të OKB-së në vitin 1945 dhe janë trashëguar pas shpërbërjes së Lidhjes së Kombeve.