Бонапартиён
Бонапартиён (итол. Buonaparte, фр. Bonaparte) — сулолаи императорони фаронсавӣ, ки Наполеони I Бонапарт (соли 1804) асос гузоштааст.
| Coat of arms | |
3.svg) | |
| Бунёнгузор | Napoleon[d] |
|---|---|
| Кишвар | |
| Дорои | Maison des Milelli, Ajaccio[d] |
 Парвандаҳо дар Викианбор | |
.svg){kind=small}
Насли Бонапартиён аз Флоренсия ибтидо гирифта, соли 1529 ба Корсика кӯч мебанданд; аз насл ба насл суду адвокат будаанд. Соли 1757 падари асосгузори сулола Карло Мариа Бонапарт унвони дворянӣ (ашрофӣ) гирифтааст. Намояндагони сулолаи Бонапартиён дар Фаронса солҳои 1804-14, 1815 (Наполеони I) ва 1852-70 (Наполеони III) ҳукмронӣ кардаанд. Дар даврони ҳукмронии Наполеони I бар давлатҳое, ки бо сардории ӯ Фаронса тасхир карда буд, намояндагони сулолаи Бонапартиён роҳбар таъйин карда мешуданд: Жозеф Бонапартиён (1768—1844) дар солҳои 1806-08 шоҳи Навполитан, солҳои 1808-13 шоҳи Испания; Луи (Людовик) Бонапартиён (1778—1846) дар солҳои 1806-10 шоҳи Ҳолландия, Жером Бонапартиён (1784—1860) дар солҳои 1807-13 шоҳи Вестфилия таъйин шуда буданд. Дар миёнаҳои асри 19 сулолаи Бонапартиён ба ду шоха тақсим шуд, ки яке аз онҳо ба сабаби зиддияти асосгузори он Люсен Бонапартиён (1775—1870) бо бародари Наполеони I ҳуқуқи соҳиби моликият шуданро надошт. Ин шоха аз тарафи падарӣ то соли 1924 пас аз фавти Ролан Бонапарт ва аз тарафи модарӣ — то соли 1962 бо марги Мария шоҳдухти юнонӣ ва даниягӣ идома дошт. Намояндагони шохаи соҳиби моликият аз унвони шоҳзода (шоҳбону) Бонапартиён-ро истифода мекарданд.
Эзоҳ
Адабиёт
- Бонапартиён // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.