Amazon Kindle
Amazon Kindle — силсилаи дастгоҳҳо барои хондани китобҳои электронии аз ҷониби ширкати Amazon истеҳсол карда мешавад. Дастгоҳҳои Amazon Kindle ба корбарон барои харидан, боргирӣ кардан, дидан ва хондани китобҳои электронӣ, ҳафтаномаҳо, блогҳо ва маълумотҳои дигари рақаӣ тавассути шабакаи беноқил имконият медиҳад.[1] Платформаи аппаратии аз ҷониби ширкати фаръии Amazon.com Lab126 коркардгардида, ҳамчун як дастгоҳ оғоз гардида буд, вале акнун дар худ як қатор моделҳоро дарбар мегирад: «Kindle», «Kindle 2», «Kindle 3» (акнун «Kindle Keyboard»), «Kindle 4» и «Kindle DX», «Kindle 4 touch», «Kindle 5» ва «Kindle Paperwhite», ҳамчунин барномаҳои «Kindle for PC», «Kindle for iPhone», «Kindle for Mac», «Kindle for Android» ва «Kindle for BlackBerry».
Дастгоҳҳои Kindle дорои дисплейҳо дар асоси технологияҳои сиёҳиҳои электронӣ (E-Ink) мебошанд — насли охирон (насли шашум) 16 градатсияи ранги хокистариро барои имитатсияи хондан дар коғаз ҳангоми истеъмоли камтарини энегрия коркард мекунад. Kindle метавонад бо компютери фардӣ истифода шавад. Дастгоҳ дастрасӣ ба шабакаи интернеро пешкаш мекунад.
Бо Kindle дастгоҳҳои дигар дар асоси коғази электронӣ рақобат мекунанд: Sony Reader, Barnes & Noble Nook, PocketBook Reader, iRex iLiad ва дигарон.[2]
Нармафзорҳои дастгоҳҳои Kindle аз ядрои Linux барои платформаи ARM асос гирифтаанд.[3]
Танқид
Amazon имконияти бо салоҳияти худ нест кардани китобҳои бевосита аз Amazon харидорӣ карда шударо дорад. Ҳамин тариқа, масалан, романҳои Ҷорҷ Оруэлл «Ҳавлии ҳайвонот» ва «1984», ки ба паҳнкунии онҳо ширкат ҳуқуқ надошт, нест карда шуданд (маблағро ба харидорон баргардониданд).[4][5]
Дар маданият
Дар атрофи гаҷети Kindle (аз афташ, Kindle 2) мазмуни ҳикояи Стивен Кинг «Ур» («Ur») сохта шудааст.[6]