Distrito ng Jiangdu
Ang Distrito ng Jiangdu (Tsinong pinapayak: 江都区; Tsinong tradisyonal: 江都區; pinyin: Jiāngdū Qū) ay isa sa tatlong mga distrito ng antas-prepektura na lungsod ng Yangzhou sa lalawigan ng Jiangsu, Tsina. May humigit-kumulang 1,017,000 katao ang distrito noong 2018.[2]
Jiangdu 江都区 Kiangtu | |
---|---|
Distrito | |
Mga koordinado: 32°32′46″N 119°41′02″E / 32.546°N 119.684°E[1] | |
Bansa | Tsina |
Lalawigan | Jiangsu |
Antas-prepektura na lungsod | Yangzhou |
Populasyon (2018) | |
• Kabuuan | 1,017,000 |
Sona ng oras | UTC+8 (Pamantayang Tsina) |
Ang Paliparan ng Yangzhou Taizhou, na naglilingkod sa mga lungsod ng Yangzhou at Taizhou, ay matatagpuan sa bayan ng Dinggou, Jiangdu.
Kasaysayan
Ayon sa mga tala ng pamahalaan, nagsimula ang agrikultural na produksiyon sa lugar noong humigit-kumulang lima hanggang anim na libong taon na ang nakararaan.[2] Ang dsistrito ay nasa pag-aari ng Kahariang Wu noong panahon ng Tatlong Kaharian.[2]
Noong paglusob ng mga hukbong imperyal ng Hapon sa Tsina, sinakop ng mga puwersang Hapones ang karamihan ng distrito.[2] Noong Nobyembre 1950, binuo ni Gao Feng, ang pampook na kalihim ng partido Komunista, ang isang malaking rally sa Fairy Temple upang tuligsahin ang pampook na mga panginoon ng lupa (landlords). Sa kasagsagan ng rally, pinatay ng mga sundalong PLA ang dalawang lalaki, isa 80 taong gulang at isa pa 30 taong gulang, sa pamamagitan ng pagbaril sa kanilang mga ulo, dahil sa "pagtanggi na baguhin ang kanilang mga sarili ".[3]
Noong Nobyembre 2011, ginawang distrito ang dating antas-kondado na lungsod ang Jiangdu.[4]
Mga sanggunian
- www.xzqh.org (sa Tsino)
Mga panlabas na link
- (sa Ingles and Tsino)"Illustrated Album of Yangzhou Prefecture", from 1573–1620, has illustrations of Jiangdu District