Kilusang pangkarapatang sibil

Ang kilusang pangkarapatang sibil (Ingles: civil rights movement^[a]) sa Estados Unidos ay isang pakikibaka ng mga Aprikano-Amerikano at ang mga indibiduwal na pareho ng kanilang pag-iisip na tumagal ng mga dekada upang wakasan ang ininstitusyong diskriminasyon ng lahi, pagkawala ng karapatan at paghihiwalay ayon sa lahi sa Estados Unidos. May pinagmulan ang kilusan sa panahong rekonstruksyon noong huling bahagi ng ika-19 dantaon, bagaman, natamo ng kilusan ang pinakamalaking lehislatibo pagkamit noong kalagitnaan ng dekada 1960 pagkatapos ng direktang aksyon at protesta ng ordinaryong tao. Sa kalaunan, nakuha ng pangunahing di-marahas na paglaban at kampanyang pagsuway ng mamamayan ng kilusang panlipunan ang bagong mga proteksyon sa batas pederal para sa karapatang pantao sa lahat ng mga Amerikano.

Sa kasukdulan ng isang legal na estratehiya na hinabol ng mga Aprikano Amerikano, inalis ng Korte Suprema ng Estados Unidos sa pamumuno ni Earl Warren ang maraming batas na pinahintulot ang paghihiwalay ng lahi at diskriminasyon na maging legal sa Estados Unidos bilang hindi naayon sa konstitusyon.^[1][2][3][4]