Children of the Sea
Children of the Sea (yaponcha: 海獣の子供 Kaijū no Kodomo, tarjimasi: Dengiz bolalari) — rejissyori Ayumu Vatanabe va prodyuseri Eiko Tanaka boʻlgan, 2019-yili Studio 4°C studiyasida chiqarilgan yapon animatsion filmi. Film Daisuke Igarashining xuddi shu nomdagi mangasi asosida yaratilgan. Bu Vatanabening „Space Brothers № 0“ (2014) dan keyin kinoteatrlarda namoyish etilgan birinchi filmi va Igarashi mangasining birinchi animatsion filmidir[1]. Filmda bosh rollarga Mana Ashida, Xiiro Ishibashi va Seysu Uragami ovoz bergan. Okean bagʻrii va hayot sirlariga bagʻishlangan ushbu film, insoniyat va tabiat oʻrtasidagi aloqalarni tasvirlaydi. Anime Yaponiyada 2019-yil 7-iyunda chiqarilgan[2][3].
| Children of the Sea | |
|---|---|
| Rejissyor(lar) | Ayumu Watanabe |
| Prodyuser(lar) | Eiko Tanaka |
| Ssenariynavis(lar) | Hanasaki Kino |
| Rollarda |
|
| Bastakor(lar) | Joe Hisaishi |
| Muharrir(lar) | Kiyoshi Hirose |
| Studiya(lar) | Studio 4°C |
| Distribyutor | Toho |
| Chiqarilgan sanasi |
|
| Davomiyligi | 111 daqiqa |
| Mamlakat |  Yaponiya |
| Til | Yapon |
| Daromadi | AQSh$5,09 million (butun dunyoda) |
Mazmuni
Onasi va maktab klubining boshqa aʼzolari bilan janjallashib qolgan qizlar rahbari va oʻrta maktab oʻquvchisi Ruka yozgi taʼtilni qayerda oʻtkazishni bilmaydi va otasi ishlaydigan akvariumga boradi. U yerda qiz Umi („dengiz“) va Sora („osmon“) ismli sirli aka-uka bilan uchrashadi, otasi „ular dugonglar tomonidan tarbiyalangan“ deb qiziga tushuntiradi va ular suvda yashovchi qobiliyatlari borligi uchun olimlar tomonidan kuzatilayotgan boʻladi[4]. Uchala oʻsmir dunyoning dengiz hayotiga taʼsir koʻrsatayotgan bir qator gʻayritabiiy hodisalar bilan, masalan, dengizga qulagan kometa va butun dunyodan Yaponiya suvlarida toʻplangan suv jonivorlari bilan qandaydir aloqaga ega[5].
Qabul qilinishi
"Children of the Sea" filmi butun dunyo boʻylab kinoteatrlarda namoyish etilishi chogʻida 2 892 603 dollar yigʻdi, jami daromadning 2,2 million dollaridan ortigʻi Yaponiyada yigʻilgan.
Rotten Tomatoesning maʼlum qilishicha, 29 tanqidchining 62% filmga ijobiy baho bergan va oʻrtacha reyting 6.9/10 ni tashkil qilgan. Tanqidchilarning fikriga koʻra: „Vizual tajriba sifatida eng yaxshi baholangan animatsion sarguzasht, “Children of the Sea" hikoya darajasida qoniqarli boʻlsa ham, hayratlanarli darajada yoqimli"[6].
Animega yoʻnaltirilgan Anime News Network veb-sayti toʻrtta sharhlovchining javoblarini taqdim etdi. Kim Morrissi filmga C+ reytingini berdi, bunda syujetning vizual tasvirini maqtab, „oʻzboshimcha“ tabiatini tanqid qildi[7]. Theron Martin filmni „B-“ deb baholadi va „ajoyib vizual ketma-ketliklarni“ taʼkidladi, lekin filmni „juda uzun“ va „maqsadsiz“ deb tanqid qildi[8]. Steve Jones va Michelle Liu qoʻshichma sharhda filmni yuqori baholadilar, Jones filmni „men koʻrgan eng yaxshi animatsion film uchun daʼvogar“ deb atadi, Liu filmni „goʻzal asar“ deb eʼlon qildi[9].
