Lisa Evans
Lisa Ketrin Evans (1992-yil 21-mayda tugʻilgan[1], Pert, Teysayd) — shotlandiyalik futbolchi, «Arsenal» klubining qanot himoyachisi, «Vest Xem Yunayted» jamoasida ijara asosida oʻynaydi.
 | |||
| Shaxsiy maʼlumot | |||
|---|---|---|---|
| Toʻliq ismi | Lisa Catherine Evans | ||
| Tavallud sanasi | 21-may 1992-yil | ||
| Tavallud joyi | Perth,  Shotlandiya | ||
| Boʻyi | 166 sm | ||
| Ampluasi | Yarim himoyachi | ||
| Klub maʼlumoti | |||
Joriy klub | West Ham United W.F.C. | ||
| Raqami | 7 | ||
Ilk yillar
Evans Pertda Richard va Keyt oilasida tugʻilgan. Yoshligida Evans mahalliy Sent-Jonston Qizlar jamoasining futbolchisi boʻlib, u yerda boʻlajak jamoadoshi Lana Klelland bilan oʻynagan.
Jamoalardagi faoliyati
«Glazgo City» (2008—2012)
2008-yil avgust oyida Evans Shotlandiya Premer-ligasidan Glazgo City jamoasiga qoʻshildi[2]. U dastlab 100% rekord bilan ikkinchi divizionda gʻolib chiqqan klubning zaxira jamoasida oʻynay boshladi. U 2009-yilda asosiy jamoada debyut qilgan[3]. Evans, shuningdek, Stirling universitetida Shotlandiya futbol assotsiatsiyasining Ayollar milliy futbol akademiyasi stipendiyasini birinchi sohibalaridan biri edi[4]. Evans sport fanini oʻrgangan[5].
«Glazgo City»dagi faoliyati davomida klub toʻrt marta Milliy chempionlar (2009-yildan 2012-yilgacha), ikki marta Liga kubogi (2009, 2012) va uch marta Shotlandiya kubogi (2009, 2011 va 2012) sohibi boʻlgan. Evans shuningdek 2011-yil Glazgo shahridagi yilning eng yaxshi yosh oʻyinchisi mukofotini oldi[6]. U birinchi marta UEFA Chempionlar ligasining 1/8 finaliga chiqqan jamoaning bir qismiga aylanib ulgurgan edi. Evans Glazgoni 39ta liga oʻyinida 46 gol urganidan keyin tark etdi.
«Turbine» (2012—2015)
2012-yil fevral oyida Germaniyaning Turbine klubi Evansni UEFA Ayollar Chempionlar Ligasi doirasida Glazgo City bilan toʻqnash kelgan oʻyinda koʻrganidan keyin uni sinovga taklif qildi[7][8]. 2012-yil 12-iyunda u Potsdam jamoasi bilan professional shartnoma imzoladi[9][10]. Oʻsha yilning dekabr oyida Evansning shartnomasi yana ikki yilga uzaytirildi[11]. «Turbine» bilan birinchi mavsumida Evans jamoaga Bundesligada ikkinchi oʻrinni egallashga va Germaniya kubogi finaliga chiqishga yordam berdi. U muntazam mavsumda 41 ta oʻyin oʻtkazib, 7 ta gol urganidan keyin Potsdam klubini tark etdi.
«Bavariya» (2015—2017)
2015-yil aprel oyida Evans «Bavariya» bilan uch yillik shartnoma imzolagani eʼlon qilindi[12][13][14]. Birinchi mavsumida u jamoa bilan Bundesligada gʻolib chiqdi va keyingi yili ular kumush medallarni qoʻlga kiritdi. Jamoa shuningdek, 2015/16-yilgi mavsumda UEFA ayollar oʻrtasidagi Chempionlar ligasining 1/16 finaliga va 2016/17-yilgi mavsumda chorak finalga qadar yetib borgandi[15]. «Bavariya»dagi faoliyati davomida Evans oddiy mavsumda 32 ta oʻyinda maydonga tushib, 2 ta gol urgan.
Arsenal (2017-xozrigacha)
2017-yil 29-iyunda Evans «Arsenal» bilan shartnoma imzoladi[16]. Jarohatlar va oʻz pozitsiyasi uchun raqobat tufayli, murabbiy Jo Montemurro baʼzida Evansni burchak himoyachisi sifatida maydonga tushirgan. 2018-yilning dekabrida u klub bilan shartnomasini uzaytirdi. «Arsenal»dagi birinchi mavsumida Evans ligada 18 ta oʻyin oʻtkazdi va ikkita gol urdi, Liga kubogida gʻalaba qozondi va Angliya kubogi finaliga chiqdi. 2019-yil 31-mart kuni Evans klubdagi 50-oʻyinini «Birmingem Siti»ga qarshi oʻtkazdi. 2020-yil 26-sentabrda Evans Angliya kubogida «Tottenxem»ga qarshi oʻyinda xet-trik qayd etdi[17].
Arsenaldan Vest Xemga
Evans 2021-yilning avgustida «Vest Xem Yunayted»ga ijaraga berilgan[18].
.jpg)
Terma jamoadagi karyera
2011-yilning oktabr oyida Evans Shotlandiya terma jamoasida Uelsga qarshi oʻyinda debyut qildi. 2012-yil fevral oyida Evans Belfastda Shimoliy Irlandiyaga qarshi oʻrtoqlik oʻyinida (5:1) oʻzining birinchi xalqaro golini kiritdi[19].
Evans 2015-yilgi jahon chempionati saralash bosqichida Shotlandiya terma jamoasi safida uchta gol urdi. Shotlandiya saralash guruhida ikkinchi oʻrinni egalladi va pley-offga yoʻl oldi keyinchalik Gollandiyaga magʻlub boʻldi.
2017-yilda Shotlandiya birinchi marta Yevropa chempionatiga yoʻllanma oldi. Evans Shotlandiya terma jamoasining final turnirida ishtirok etadigan tarkibiga kiritilgandi, u yerda Lisa barcha guruh oʻyinlarida ham ishtirok etdi. Shundan soʻng shotlandlar oʻz guruhida birinchi oʻrinni egallagan JCh-2019 saralash bosqichi oʻtkazildi. 2019-yil 15-may kuni Evans turnirning final bosqichi uchun terma jamoaga roʻyhatiga kiritildi[20][21].
Shotlandiya terma jamoasining Angliyaga qarshi jahon chempionatidagi ilk oʻyinida Evans Kler Emsliga golli uzatmani taqdim etdi va u Shotlandiyaning turnir tarixidagi ilk golini kiritdi.
.jpg)
Terma jamoada urilgan gollar
| # | Sana | Joy | Raqib | Natija | Turnir | Urgan goli |
|---|---|---|---|---|---|---|
| 1 | 5-Fevral 2012-yil | Solitude, Belfast |  | 5–1 | Oʻrtoqlik | 1 |
| 2 | 9-May 2012-yil | Stadion Kazimierza Deyny, Starogard Gdański |  | 3–1 | 1 | |
| 3 | 8-Mart 2013-yil | GSZ Stadium, Larnaca |  | 4–4 | 2013 Misr kubogi | 1 |
| 4 | 22-Sentabr 2013-yil | Tórsvøllur, Tórshavn |  | 7–2 | 2015 FIFA Ayollar oʻrtasidagi jahon chempionati kvalifikatsiyasi | 1 |
| 5 | 26-Sentabr 2013-yil | Fir Park, Motherwell |  | 7–0 | 1 | |
| 8 | 7-Mart 2013-yil | GSP Stadium, Nicosia |  | 4–3 | 2014 Misr kubogi | 3 |
| 9 | 10-Mart 2013-yil | GSZ Stadium, Larnaca |  | 4–2 | 1 | |
| 10 | 5-Aprel 2014-yil | Fir Park, Motherwell | | 2–0 | 2015 FIFA Ayollar oʻrtasida jahon chempionati kvalifikatsiya | 1 |
| 11 | 23-Oktabr 2015-yil |  | 7–0 | 2017 EURO kubok kvalifikatsiyasi | 1 | |
| 12 | 29-Noyabr 2015-yil | St Mirren Park, Paisley |  | 10–0 | 1 | |
| 13 | 6-Mart 2017-yil | Makario Stadium, Nicosia |  | 3–1 | 2017 Misr kubogi | 1 |
| 14 | 6-Mart 2017-yil | Falkirk Stadium, Falkirk |  | 2–0 | Oʻrtoqlik oʻyini | 1 |
| 15 | 24-Oktabr 2017-yil | Paisley 2021 Stadium, Paisley |  | 5–0 | 2019 FIFA Ayollar oʻrtasida jahon chempionati kvalifikatsiyasi | 1 |
| 16 | 6-Mart 2017-yil | Pinatar Arena, Murcia |  | 2–0 | Oʻrtoqlik oʻyini | 1 |
| 17 | 12-Iyun 2018-yil | Kielce City Stadium, Kielce | | 3–2 | 2019 FIFA Ayollar oʻrtasida jahon chempionati kvalifikatsiyasi | 1 |
.jpg)
Yutuqlar
«Glazgo City»
- Sholandiya chempioni: 2009, 2010, 2011, 2012.
- Shotlandiya kubogi sohibi: 2009, 2011, 2012
- Sholandiya liga kubogi sohibi: 2009, 2012.
.jpg)
Bavariya
- Germaniya chempioni 2015/16-yilgi mavsum
Arsenal
- Angliya chempioni: 2018/19-yilgi mavsum
- Angliya liga kubogi sohibi: 2018-yil
Shaxsiy hayoti
Evans Londonning shimolida dugonasi, Arsenal va gollandiyalik futbolchi Vivianne Midema bilan yashaydi.[22][23] 2021-yilda We Play strong kanalida u onlayn kursda «Sport, salomatlik va fitnes» mutaxassisligi boʻyicha sirtqi tahsil olayotganini maʼlum qilgan.
2021-yil noyabr oyida Evans va Midema «Common Goal» xayriya harakatiga qoʻshilib, ish haqining 1 foizini yoshlar bilan ishlaydigan jamoat tashkilotlariga xayriya qilishdi. Evansning aytishicha, u va Miedema maydondan tashqarida baxtli va konstruktiv odamlar boʻlishni xohlaydi. Umumiy maqsad futbol orqali jamoaviy va barqaror oʻzgarishlar uchun ideal platformaga erishish.[24]