Oʻzbekiston Superkubogi
Oʻzbekiston Superkubogi — futbol boʻyicha Oʻzbekistonda oʻtkaziladigan turnir. Ushbu turnir 1 ta oʻyindan iborat boʻlib, unda: oʻtgan mavsumdagi Oʻzbekiston Kubogi sohibi va Oliy Liga Chempioni toʻqnashadi. Agarda Kubok va Chempionatni bitta jamoa yutgan boʻlsa, unda Chempionatda 2-oʻrinni egallagan klub, Chempionga qarshi oʻynaydi[1].
| Asos solindi | 1999(original) 2014 (qayta tiklangan) |
|---|---|
| Hudud | Oʻzbekiston |
| Jamoalar soni | 2 |
| Hozirgi chempionlar | Nasaf (3-sovrin) |
| Eng muvaffaqiyatli klub(lar) | Nasaf (3 ta sovrin) |
| Telekoʻrsatuvchilar |  OʻzMTRK (Sport TV) |
| Vebsayt | Rasmiy sayti |
 Futbol boʻyicha 2024-yilgi Oʻzbekiston Superkubogi | |
Tarixi
Oʻzbekiston Professional futbol ligasi 1999-yilda ilk bor tashkil etilgan. Kubokning ilk bahslari 1999-yilda Fargʻonada „Markaziy“ stadionda 6000 muxlis qarshisida Namanganning „Navbahor“ — „Paxtakor“ jamoalari oʻrtasida oʻtkazilgan 2000-yildan 2014-yilgacha Turli sabablarga koʻra musobaqa oʻtkazilmagan. Bu 2014-yilgacha boʻlgan yagona oʻyin edi. 2012-yil yanvar oyida OʻzPFL Oʻzbekiston Superkubogini qayta boshlayotganini eʼlon qildi va 2012-yil 11-mart kuni „Paxtakor“ — „Bunyodkor“ oʻrtasida oʻtkazilishini eʼlon qildi. 2012-yil 7-mart kuni OʻzPFL Superkubok oʻyini Jar stadionining yomon sharoiti tufayli bekor qilingani va keyinroq oʻtkazilishi koʻrsatilgan, biroq oʻyin oʻtkazilmagani haqida xabar bergan edi.
2014-yilning 7-mart kuni „Bunyodkor“ va Toshkentning „Lokomotiv“ jamoalari ishtirokidagi ikkinchi Superkubok bahslari oʻtkazildi. Agar bitta jamoa Oʻzbekiston Ligasinda ham, Oʻzbekiston kubogida ham gʻolib chiqsa, Oʻzbekiston Superkubogi uchun Oʻzbekiston Ligasi gʻolibi va Liga ikkinchi oʻrin sohibi bahslashadi. Bu 2014-yil mavsum boshida kuzatilgan (Bunyodkor, Paxtakor). 2014 yildan 2016-yilgacha musobaqa uzliksiz tashkil etilgan. 2017-yil va 2018-yilgi mavsumlarda esa turli sabablarga koʻra musobaqa oʻtkazilmagan. 2019-yilgi mavsumda Superkubok bahslari yana qayta tiklandi. 2020-yil mavsumda musobaqa Covid-19 Pandemiyasi tufayli oʻtkazilmagan. 2021-yildan esa Oʻzbekiston Superkubok oʻyinlari tiklandi va hozirgacha oʻtkazib kelinmoqda.
Chempionlar
Musobaqada eng koʻp gʻolib boʻlgan jamoa Qashqadaryoning Nasaf jamoasidir.
Oʻyinlar
| Yil | Gʻolib | Oʻyindagi hisob | Magʻlubiyat | Stadion | Tomoshabinlar soni |
|---|---|---|---|---|---|
| 1992—1998 | Musoboqa tashkillashtirilmagan | ||||
| 1999 | Navbahor (Namangan) 1998-yilgi Oʻzbekiston kubogi sohibi | 4:2 | Paxtakor (Toshkent) 1998-yilgi Oʻzbekiston oliy ligasi chempioni | Fargʻona Markaziy Stadioni | 6.000[2] |
| 2000—2013 | Shu yillar oraligʻida turli sabablarga koʻra musobaqa oʻtkazilmagan | ||||
| 2014 | Bunyodkor (Toshkent) 2013-yilgi Oʻzbekiston oliy ligasi chempioni2013-yilgi Oʻzbekiston kubogi sohibi | 2:1 | Lokomotiv (Toshkent) 2013-yilgi Oʻzbekiston oliy ligasi ikkinchi oʻrin | Jar Toshkent Stadioni | 4.750[3] |
| 2015 | Lokomotiv (Toshkent) 2018-yilgi Oʻzbekiston kubogi sohibi | 4-0 | Paxtakor (Toshkent) 2014-yilgi Oʻzbekiston oliy ligasi chempioni | Bunyodkor stadioni | 7216[4] |
| 2016 | Nasaf (Qarshi) | 1-0 | Paxtakor (Toshkent) | Bunyodkor stadioni | 4748 |
| 2017—2018 | Shu yillar oraligʻida turli sabablarga koʻra musobaqa oʻtkazilmagan | ||||
| 2019 | Lokomotiv (Toshkent) | 2-1 | AGMK (Olmaliq) 2018-yilgi Oʻzbekiston kubogi sohibi | Paxtakor, Toshkent | 18000 |
| 2020 | Turli sabablarga koʻra musobaqa oʻtkazilmagan | ||||
| 2021 | Paxtakor (Toshkent) | 1-0 | Nasaf (Qarshi) | Dinamo, Samarqand | 5165[5] |
| 2022 | Paxtakor (Toshkent) | 1-0 | Nasaf (Qarshi) | Turon, Oʻzbekiston stadioni, Yaypan | 7 215 |
| 2023 | Nasaf (Qarshi) | 2-1 | Paxtakor (Toshkent) | Soʻgʻdiyona stadioni, Jizzax | 6 501[6] |
| 2024 | Nasaf (Qarshi) | 1-1 (4-3) | Paxtakor (Toshkent) | Bunyodkor stadioni | |
Superkubokning Barcha Sovrindor jamoalari
| Jamoa | Gʻolib | Finalchi | Yutgan yillari | Ishtirok etgan yillari |
|---|---|---|---|---|
| Nasaf | 3 | 2 | 2016, 2023, 2024 | 2021, 2022 |
| Lokomotiv (Toshkent) | 2 | 1 | 2015, 2019 | 2014 |
| Paxtakor (Toshkent) | 2 | 4 | 2021, 2022 | 1999, 2015, 2016, 2024 |
| Navbahor (Namangan) | 1 | - | 1999 | - |
| Bunyodkor | 1 | - | 2014 | - |
| AGMK (Olmaliq) | - | 1 | - | 2019 |
