Steven Caldwell
Steven Caldwell (inglizcha: Steven Caldwell)—shotlandiyalik futbolchi, himoyachi.1980-yil 12-sentabrda Shotlandiyaning Sterling shahrida tugʻilgan.
U Angliyaning „Nyukasl Yunayted“, „Blekpul“, „Bredford Siti“, „Lids Yunayted“, „Sanderlend“, „Byornli“, „Uigan Atletik“, „Birmingem Siti“ va shuningdek Kanadaning „Toronto“ klublarida oʻynagan.Endi u Kanada terma jamoasida murabbiy sifatida faoliyatini boshladi.
Klubdagi faoliyati
Faoliyatining boshi
Caldwell 1980 -yil 12-sentabrda Shotlandiyaning Sterling shahrida tugʻilgan.
1997-yilda 17 yoshida Steven ukasi Geri bilan Angliyaga yoʻl oldi va u yerda „Nyukasl Yunayted“ning ikkinchi jamoasida oʻynay boshladi.Bir yil oʻtgach Caldwell 1998-yil 1-avgustda taklif qilingan professional shartnomani imzoladi.
Stevenning „Nyukasl“ safida rasmiy oʻyinidagi debyuti 2000-yil 30-sentabrda Angliya Premer ligasida „Manchester Siti“ bilan uchrashuvda boʻlib oʻtdi[1].1-noyabr kuni „Bredford Siti“ga qarshi Liga kubogi bahsining 71-daqiqasida jamoasi tarkibidagi ilk golini urdi.Uchrashuv 4:3 hisobida „Nyukasl“ foydasiga hal boʻldi.[2].
Keyingi mavsumda Steven „Blekpul“ga bir oylik ijara shartnomasi asosida ijaraga berildi.Buning uchun u jami yettita oʻyinda maydonga tushib, „Stok Siti“[3] darvozasiga bitta gol ham urdi. Xuddi shu futbol yilida Caldwell ikki marta qisqa muddatga „Bredford Siti“ tarkibida oʻynadi.
2002-yil 4-noyabrda Steven birinchi marta Angliya Premer-ligasi oʻyinida „Midlsbro“ bilan uchrashuvda aniq zarba yoʻlladi[4][5].
Ammo Steven „Nyukasl“ning asosiy jamoasida oʻz oʻrnini topa olmadi, yana 2003/04-yilgi mavsumning ikkinchi yarmini „Lids Yunayted“da ijara asosida oʻtkazdi.Yangi jamoasi bilan Caldwell ikkinchi liga jamoasi „Blekbern Rovers“ga qarshi oʻyinda gol kiritdi[6].
"Sanderlend"
2004-yilda Caldwellning „Nyukasl“ bilan shartnomasi tugadi va u erkin agentga aylandi.28-iyun kuni Steven „Sanderlend“ klubi bilan shartnoma imzoladi.
10-avgust kuni Caldwell yangi jamoasida debyut qildi. Shotlandiyalik himoyachi „Kru Aleksandra“ga qarshi asosiy tarkibda maydonga tushdi.Toʻrt kundan soʻng Steven „qora mushuklar“ safida oʻzining birinchi golini „Kuinz Park Reynjers“ darvozasiga urdi.
2005-yil 23-aprelda Steven „Lester Siti“ bilan oʻyinning 60-daqiqasida oʻzining goli bilan ushbu uchrashuvda „Sanderlend“ga gʻalaba keltirdi[7].Bu muvaffaqiyat „qora mushuklar“ga muddatidan avval Chempionship gʻolibi boʻlish va kelasi mavsumda Oliy ligada oʻynash huquqini qoʻlga kiritish imkonini berdi.
Biroq 2005/06-yilgi mavsumda shotlandiyalik bir qator jarohatlar tufayli u „Sanderlend“ning asosiy tarkibidagi oʻrnini yoʻqotgan."Qora mushuklar" bosh murabbiyi Roy Kin yaxshi taklif tushsa, himoyachi bilan xayrlashishga tayyorligini ochiq aytdi.Tezda „Byornli“ va „Koventri Siti“ klublari Caldwellga qiziqish bildirishdi.
"Byornli"
2007-yil yanvarda Steven „Byornli“ga koʻchib oʻtdi va Lankashir jamoasi bilan uch yarim yillik shartnoma imzoladi. „Sanderlend“ga toʻlangan tovon puli 200 000 funt sterlingni tashkil etdi.Narx Caldwellning oʻyinlariga qarab yana 200 000 funtga oshishi mumkin edi.
3-fevral kuni shotlandiyalik himoyachi „Kuinz Park Reynjers“ klubiga qarshi oʻyinda „Byornli“ safida debyut qildi.
Jamoaga kelganidan koʻp oʻtmay Steven jamoa sardori etib saylandi.Muxlislar ham shotlandiyalikning oʻyinga fidoyiligi va futbol maydonidagi murosasiz munosabati uchun tezda yaxshi koʻrib qolishdi.
2008/09-yilgi mavsumda „Byornli“ Premer-liga yoʻllanmasini qoʻlga kiritdi.Gʻalabada katta hissasi borlardan biri bu mavsumda 57 ta oʻyin oʻtkazib ikkita gol urgan himoya yetakchisi Caldwell boʻldi.U „Preston North End“ va „Plimut Argyle“ klublariga gollar urgandi[8].
Keyingi mavsumda „Byornli“ rahbariyati jamoa sardori bilan klub bilan shartnomasini uzaytirish borasida kelisha olmadi. 1-iyul kuni Stevenning jamoa bilan amaldagi shartnomasi tugadi va u „Byornli“ni erkin agent sifatida[9] tark etdi.
"Uigan Atletik"
2010-yil iyun oxirida Britaniya matbuotida shotlandiyalik bilan intervyu paydo boʻldi.U yerda u „Bolton Uonderers“da koʻrikdan oʻtayotganini aytdi.Natijada uning „Bolton“ lagerida boʻlishi mumkinligi haqida xabarlar tarqaydi[10].
23-avgustda Caldwell „Uigan Atletik“ bilan bir yillik shartnoma imzoladi va shu tariqa[11] jamoada jamoa sardori boʻlgan ukasi Geri bilan yana birga oʻynay boshladi.
Ertasi kuni Steven birinchi marta Katta Manchester graflgi jamoasi uchun rasmiy oʻyinda maydonga tushdi.Bu Liga kubogi uchun „Xartlpul Yunayted“ga qarshi oʻyin edi. 2010/11-yilgi mavsum oxirida Caldwellning „Uigan“ bilan shartnomasi tugadi va u erkin agentga aylandi[12].
"Birmingem Siti"
2011-yilning 7-iyulida shotlandiyalik futbolchi „Birmingem Siti“ bilan 2 yillik shartnoma imzoladi[12][13][14].Caldwell 6-avgust kuni „Derbi Kaunti“[15] bilan oʻyinda yangi jamoasi safida debyut qildi.Keyingi yilning 15-avgustida Steven „Birmingem“ uchun birinchi marta Liga kubogi oʻyinida „Barnet“ jamoasi darvozasiga gol urdi[16].
Terma jamoa miqyosida
2000-yilda Steven Shotlandiya yoshlar terma jamoasi tarkibida Fransiya va Niderlandiyaga qarshi ikkita oʻyin oʻtkazdi.
Caldwell Shotlandiya milliy terma jamoasida debyutini 2001 -yilning 25-aprelida oʻtkazdi.Oʻshanda togʻliklar Polsha bilan oʻrtoqlik oʻyini oʻtkazgan.2003-yil 12-fevralda Shotlandiya uchun ikkinchi oʻyinda Steven oʻz ona zaminida birinchi marta milliy terma jamoa libosida maydonga tushdi.Oʻsha kuni shotlandlar Glazgodagi „Xempden Park“ stadionida Irlandiyani qabul qilishdi[17].
Caldwell Shotlandiya terma jamoasi safida 12 ta oʻyinda maydonga tushgan.
Yutuqlari
"Blekpul"
- Futbol Ligasi kubogi sohibi-2001/02
"Sanderlend"
- Chempionship gʻolibi-2004/05,2006/07
Shotlandiya terma jamoasida
- Millatlar kubogining kumush medali sohibi-2011
Shaxsiy hayoti
Stevenning ukasi Geri ham professional futbolchi sifatida faoliyat yuritgan.Hozirda u Angliyaning „Uigan Atletik“ klubi bosh murabbiyi[18].
Manbalar
Havolalar
- Profil igroka (angl.) na sayte soccerbase.com
- Profil Kolduella na ofitsialnom sayte „Birmingem Siti“ (Wayback Machine saytida 4-noyabr 2016-yil sanasida arxivlangan)(ingl.)
- Profil na sayte FootballDatabase.eu (angl.)
- Stiven Kolduell na sayte Shotlandskoy futbolnoy assotsiatsii(ingl.)