Ulugʻbek Hamdam

1993-1994-yillarda Sharqshunoslik institutida oʻqituvchi boʻlib ishladi. 1994-1996-yillarda Oʻzbekiston milliy universitetining oʻzbek filologiyasi fakultetining aspiranturasini tugatdi. 1997-yilda „XX asrning 30-yillari sheʼriyatida oʻzbekcha“ sof lirika „muammolari“ mavzusida nomzodlik dissertatsiyasini himoya qildi.

1997-yildan 2009-yilgacha Oʻzbekiston Fanlar akademiyasining Alisher Navoiy nomidagi Til va adabiyot institutida katta va kichik ilmiy xodim boʻlib ishladi. 2003-yildan — Oʻzbekiston Yozuvchilar uyushmasining aʼzosi^[2]. 2009-yildan 2016-yilgacha — „Sharq yulduzi“ jurnalining bosh muharriri^[3]. 2016-yildan Alisher Navoiy nomidagi ToshDOʻTAUda jahon adabiyoti kafedrasi mudiri, 2017-yildan dotsent oʻqituvchi, 2021-yildan hozirgacha Oʻzbekiston Fanlar akademiyasining Til va adabiyot institutida XX asr oʻzbek adabiyoti va hozirgi adabiy jarayon boʻlimi mudiri boʻlib ishlamoqda.

Sheʼriy asarlari:

• „Tangriga eltguvchi isyon“ (2002),
• „Atirgul“ (2006),
• „Seni kutdim“ (2007)

Nasriy asarlari:

• „Yolgʻizlik“^[4] (2000),
• „Muvozanat“ (2003),
• „Isyon va itoat“ (2004),
• „Sabo va Samandar“,
• „Uzoqdagi Dilnura“ (2010),
• „Ota“ (2019)^[5]
• "Bizdan rozi bo'ling ota" (2022)
• "Yaxshiyam sen borsan" (2023)

Ilmiy asarlari:

• „Badiiy tafakkur tadriji“ (2003),
• „Yangilanish ehtiyoji“ (2007),
• „Jahon adabiyoti: Modernizm va postmodernizm“ (2020)^[6]

Ulugʻbek Hamdam Jaloliddin Rumiyning „Ichindagi ichindadir“^[7] (1997, 2001), professor Usmon Turonning „Turkiy xalqlar mafkurasi“ (1995) nomli asarlarini turk tilidan oʻzbek tiliga tarjima qilgan.

2018-yili Qozon shahrida "Ma'orif-Vaqt" nashriyotida uning "Yolg'izlik^[8]" (Ялгызлык) asari tatarchaga tarjima qilingan. Tarjimon Fakil Safin.

• 2004-yilda "Shuhrat" medali bilan taqdirlangan.
• 2011-yilda Oʻzbekiston mustaqilligining 20 yilligiga „O'zbekiston belgisi“ koʻkrak nishoni bilan taqdirlangan.
• 2014-yil „Eng ulugʻ, eng aziz“ Respublika tanlovining 1-oʻrin sohibi boʻlgan.