Foninme
On foninme (pacô èn oyon), c' est l' pus ptite boket d' cåzaedje ki pout fé l' diferince inte deus mots dins on metou lingaedje.
Li coxhe del linwince ki studeye les foninmes si lome li fonolodjeye.
Les oyons do walon sont studyîs so ene pådje a pårt.
A costé des foninmes, on mot pout esse pårti e morfinmes.
Motlî
Cial sol Wikipedia, on a eto siervou li mot oyon po des foninmes diferins des betchfessîs scrijhas. Les studias so les oyons do walon sont metous so ene pådje tote seule.
Mwaissès piceures
On trouve les oyons d' on lingaedje tot corwaitant les pwaires minimoms.
Les prononçaedjes d' on foninme polèt candjî sorlon les accints d' on metou lingaedje, et minme d' on cåzeu a l' ôte.
Egzimpe
Oyons et sons
Èn oyon c' est nén l' minme k' on son, la k' èn oyon pout esse fwait di sacwants sons metous eshonne (des lingaedjes k' i gn a ont des oyons foirt complesses); eyet eto, èn oyon pout esse prononcî avou des sons diferins (k' on dit adon ki c' est les alofones di cist oyon la).
Sicrijhaedje des alofones
Les foninmes sont transcrîts etur deus slaches, eg: /r/, eneviè les sons fonetikes ki sont transcrits etur cwårêyès åtchetes, eg: les sons [r] et [ʁ], deus alofones di /r/.