Galo

lingaedjes > indo-uropeyin > italike > galo-roman >lingaedje d' oyi > galo

Li galo est on lingaedje d' oyi djåzé el pårteye romane, metowe å Levant, del Burtaegne (France); dismetant k' å Coûtchant c' est l' burton, on lingaedje gayel, k' est l' lingaedje do payis.

Ene des ståcions do metro a Rennes, li mwaisse-veye del Burtaegne, a les plakes metowes e francès eyet e galo; mins çoula dmeure foirt råle, eyet l' lingaedje galo est sovint bén moens veyåve et do côp moens cnoxhou, kel burton.

Li motî do galo, tot dmorant pol pupårt di båze latene, a stou influwincî pa s' vijhén l' burton; tot come li burton a dins s' motî bråmint des mots k' ont vnou do galo.

Egzimpe di tecse

e galo: Le galo est yunn dez dóz laungg de la Bertaèyn. Le galo est unn laungg romaènn (oreinaéy deü latein). Nan poet corr li donae le non de brito-romaen. L'autr laungg de la Bertaèyn (le berton) est yèll unn laungg celtiq. Nan cauzz galo dan la partiy oriantall de la Bertaèyn.
ratournaedje walon: Li galo est onk des deus lingaedjes del Burtaegne. Li galo est on lingaedje roman (vinant do latén). On pout co li dner l' no di brito-roman. L' ôte lingaedje del Burtaegne (li burton) est on lingaedje celtike. On cåze galo dins l' pårteye oryintåle del Burtaegne.

(prezintaedje e galo sol waibe del soce «Maézoe»)

galo	walon	galo	walon
anoet	enute	esteill	estoele
aèv	aiwe	fórmaij	froumadje
aézaé	åjhey	góll	gueuye
beirr	boere	limerot	limero
ben	bén	lip	lepe (del boke)
betunae	foumer	mósch	moxhe
cauzae	cåzer	nouna	nonna
chaérr	tcheyire	ostèu	måjhone
chapèu	tchapea	peirr	pwaire
desort	rexhe, sôrti	sia	siya
escoll	escole	us	ouxh
(copyî do ptit motî walon/galo sol waibe Maézoe)

Difoûtrinne hårdêye

Waibe del soce «Maézo» sol lingaedje galo