Videyo

Po des linwincieusès racsegnes sol mot "videyo", alez s' vey sol Wiccionaire

Ene videyo, c' est on ptit court fime k' on pout prinde lu-minme, et waitî so èn aparey e s' måjhon. Cist aparey la si lome eto on videyo.

Ene foirt pitite videyo si lome voltî «ene videyete».

Sopoirt

Les prumirès videyos estént eredjistrêyes so des cassetes videyo.

Pu ont-st arivé les plake lazer DVD.

Adonpwis, les simpes fitchîs éndjolikes.

Cogne des fitchîs videyos

Li cogne ogg, c' est ene des råles cognes di videyos ki fouxhe on libe programe. C' est l' ci k' est eployî so les Cmons d' Wikipedia.

Filmaedje des videyos

Divinltins, faleut ene filmrece esprès po tourner des videyos. Avou l' binde ki tournéve a fwait k' on filméve.

Adonpwis, gn a yeu des filmreces avou des deurès plakes.

Pu, on-z a polou ndè prinde avou des sûtifones (diviè 2007).

Loucaedje des videyos

Les cassetes videyo, po lzès waitî so ene tévé, faleut on lijheu d' cassete. Après, ça a stî on lijheu d' DVD. Pu, les éndjoles divnant todi pus pouxhantes, on lzès loukive sol waitroûle del copiutrece. Pu sol waitroûlete do sûtifone.

Cossemaedje des videyos

Duspu aviè 2005, gn a ene rilomêye waibe, Youtube la k' on-z a l' credit di mete ses videyos so les fis.

Les rantoeles di soçnaedje, dispu 2010, eplaidèt eto po rén les videyos di leus soçneus.

Hårdêye divintrinne

Tévé walon-cåzante

Hårdêye difoûtrinne