資本主義

資本主義（英语：Capitalism），也叫自由市場經濟或者自由企業經濟^[1]，是人類協作個擴展秩序。俚個特色是私人擁有資本財產（生產工具），外加投資活動儕是個人決策個，弗是國家控制個，經濟行為個目標是尋求利潤^[2][3][4]。藉僱傭或者勞動個手段用生產工具創造利潤。商品搭服務靠钞票勒自由市場裏向流通。投資個決定由私人來做，生產搭銷售主要由公司搭工商业控制還互相競爭。一般普遍認為資本主義勒西方世界個封建制度崩脫過後成為仔頂頂主要個經濟模式^[5]。

「資本主義」該個詞也畀窮多人用得來形容歷史浪弗一樣個人、辰光、場化、物事^[6]，除脫自由放任個資本主義以外，也有福利資本主義、國家資本主義等等打仔資本主義稱號個經濟模式。勒垃對資本主義個解釋浪向，支持自由放任個經濟學家反對政府朝對市場個干預，還強調財產權利個重要性^[7][8]。畀過夜有人主張政府管制個必要性來避免壟斷搭景氣循環個負面作用^[9]。絕大多數個政治經濟學家儕拿私人產權看成功資本主義頂重要個特色，必過勒垃資本主義下頭個僱傭關係、經濟權力、階級、搭仔歷史發展等等就有弗一樣個看法^[10]。市場個自由程度、搭仔私人財產個法規，是政治搭政策浪爭論個主要議題。現在大多數國家儕畀看成功「混合經濟」^[11]，勒該種體制下頭政府用弗一樣程度個計畫政策干預市場個自由運作^[10]。