Kapitalismo

Kapitalismo esas ekonomikala sistemo fondata sur privata proprieto di moyeni di produktado, sur la komerco di vari, e sur la kreado de valoro e richeso por kontentigar la konsumanti. Ne existas generala konsento pri la preciza signifiko di la vorto "kapitalismo", ne anke pri quale on povas uzar la vorto kom analizala kategorio^[1]. Tamen, existas poka kontroverso pri ke la privata proprieto, la sercho di profiti en la merkato, preci e salarii esas elementi di kapitalismo^[2].

Kapitalismo, kom ekonomikala sistemo, evolucionis rapide en Europa pos la 16ma yarcento^[3] quankam existis proto-kapitalista societi en l'Anciena epoko, e la prima aspekti di komercala kapitalismo ja aparabis dum fino di Mezepoko^[4]. Kapitalismo gradope divenis la dominacanta ekonomikala sistemo kun la krulo di feudismo e divenis la sistemo dominacanta dum la 18ma yarcento.

La sociala klaso konsistanta ek la granda proprietanti e/o la furnisanti di kapitalo por l'ekonomial agadi, kambie de interesto nominesas "kapitalisti".