რიხტერიშ სკალა

რიხტერიშ სკალა (რიხტერის სინძლიერეშ სკალა); უმოსი კონკრეტულო - აბანობური სინძლიერეშ M_L სკალა) გჷთმოთანჯუნს დიხაშნწალუაშ სინძლიერეშ რიცხუთ შანულობას. თინა გერსხჷ 10-ართულიან ლოგარითმულ სკალას, ნამუთ გიშეკოროცხუ სეისმოგრამას ნულშე უდიდაში ელაკინაშ კომბინირაფილი ჰორიზონტალური ამპლიტუდაშ ალგორითმით.

სამანგათ, 5 მაგნიტუდა სინძლიერეშ დიხაშნწალუა 10-შახ უმოსი ნძალიერი რე ვინდარო 4-იანი დიხაშნწალუა, 8 მაგნიტუდაშ - 10^(8 − 4) ვარდა 10000-შახ 4-იანშე უმოსი.

რიხტერიშ სინძლიერეშ გოზჷმილაფაშ ართული რე მაგნიტუდა (შხირას ვათინო უჯოხონა ბალი) (სამან. 2002 წანაშ, 25 პირელს, ქართის დეფიქსირჷ 4,5 მაგნიტუდა სინძალიერეშ დიხაშნწალუაქ.