ულან-ბატორი, ულაანბაატარი (მონღ. Улаанбаатар) — მონღოლეთიშ ნანანოღა დო ქიანაშ უშხუაში ნოღა. ქიანაშ თარი პოლიტიკური, ეკონომიკური დო კულტურული ცენტრი. აკოგაფილი რე ტოლიშ (წყარმალუ სელენგაშ ღანჩო) ლეხერს, 1300-1350 მეტრ სიმაღალეს.
ისტორია
ულან-ბატორქ დირსხუ 1639 წანას, მუჭოთ მონღოლეთის ლამაისტური ოხვამეშ მადუდეშ რეზიდენცია დო ჯოხოთ გიადჷ ორგოო. 1706 წანაშე, ნორას ჯოხოდჷ იხ-ხურეე (დიდი ოხიდა), 1911 წანაშე — ნიისლელ-ხურეე (ნანანორაშ ოხიდა). XVIII ოშწანურაშ II გვერდშე იხ-ხურეე მანჯურიაშ ამბანიაშ (მაფაშ მანგიშ) რეზიდენცია დო გალენი მონღოლეთიშ ადმინისტრაციული ცენტრი რდჷ. 1911-1915 წწ. ნიისლელ-ხურეე მონღოლეთიშ ფეოდალურ-თეოკრატიული სახენწჷფოშ ნანანოღა რდჷ, 1915 წანაშე — ავტონომიური გალენი მონღოლეთიშ თარი ნოღა. 1919 წანას, ნოღა ჩინეთიშ ჯარეფქ დიკეს, 1921 წანას - რუსეთიშ ჩეგვარდიალეფიშ ჯარიშ ნორთეფქ. 1921 წანაშ 6 კვირკვეს გადუდიშულუ მონღოლეთიშ ოკათე არმიაქ. 1924 წანაშ გერგობათუთას, ნიისლელ-ხურეეს ჯოხოთ გიადჷ ულან-ბატორქ დო მონღოლეთიშ ოკათე რესპუბლიკაშ ნანანოღათ გჷნირთჷ.
ლიტერატურა
ვიკიოწკარუეს
? რე ხასჷლა თემაშენ:
