ფესახი

ფესახი (ივრითი, იდიში: פֶּסַח (?·i)) ანუ მარგ. დო ქორთ. პასექი — უდიდაში ურიული დო სამარიული დღახუ, ნამუთ ეიშანუაფუ ირწანას ურიული კალენდარიშ ნისანიშ თუთაშ მა-15 დღაშე 21-ა (22-ა) დღაშამო. დღახუშ თარიღი თეხანური საირქიანო კალენდარით მაყარაფე რე დო მელახის ვარდა პირელს ეიშანუაფუ. ფესახი რე ართ-ართი სუმი პილიგრიმული დღახუ. თინა მიენძღვიებუ ღორონთიშით ურიეფიშ გიშარსხებას ეგვიპტარეფიშ ჭკორალაშე, მაართახელი ლულუეფიშ გინოსქილადას (ნამუეჷთ წჷმი უწორუანდჷ ღორონთიშ რისხვა ეგვიპტარეფშო) დო ანტიკური ევიპტეშე ურიეფიშ გიშულას. ოღორონთე დღახუს (ისრაელს შქვითი დო ისრაელიშ გალე ბრუო დღაშ გოძვენას) ურიეფი იპიჩუანა ხიკალი ქობალიშ კვარით^{[4] [5] [6]}.

ფესახი ურიულ. פֶּסַח
ოდღახუე ტაბაკი, კეთებული ოთანაფე სედერშო.
ტიპი	ურიული
შხვანერო	აფუნიშ დღახუ / დუდიშულაშ დღახუ
შანულობა	დღახუ მოურს ეგვიპტეშე
მიშაღალირი რე	თორა
იშინუანა	იუდევალეფი
პერიოდი	15 ნისანაშე[1]-21 ნისანშა[2][3]
ზეიმობა	სინაგოგა, ფანია
მერსხილი რე	შავუოტწკჷმა