ღუმუ (ჩანარი)

? ღუმუ
Setaria italica
მენცარული კლასიფიკაცია
ომაფე: ჩანარეფი
ლათინური ჯოხო
Setaria italica
თხილუაშ სტატუსი
სისტემატიკა ვიკინერობეფს სურათეფი ვიკიოწკარუეს

ღუმუ თაშნეშე ჩხვერი (ლათ. Setaria italica) — ართწანიანი კულტურული ჩანარი ძურწაშობურეფიშ გვარობაშ წკარამეფიშ ფანიაშე. ღუმუს თინი, დახე, ცილინდრული ღერი უღუ, ნამუშ სიმაღალე 25 სმ-2 მ ონჭუ, ჩანარს უღუ ფართე ლანცეტიშობური ფურცელი, ოდიდეზფობურს ჩხვიჩხვი პიოლედი, წკარამ გჷმნაღელით. გოლოფა ჯგირო გჷნმუღუ. საქორთუოს მუთმოფხვადჷნა ღუმუშ ჩანარიშ ორდოშიანი, ოშკაშე დო საგვიანო ჯიშეფი. ბჟადალ საქორთუოს მოჸუნა „შკვითმარიანი“ დო „ჟირმოსალიანი“. ღუმუშ ჩანარი მაღალხარისხიანი ოჭკომალი ჩანარი რე. ღუმუშ წკარი იკათუანს ცილეფს დო ვიტამინეფს. ღუმუშე აკეთენა ქვირს, მაკარონს, სპირტის, ლუდის დო შსხვ. ღუმუშ წვანე მასას, ჭას, ჩენჩის, კილს დო შხვა ნოსქილედის ორინჯიშ ოჩამალო გჷმირინუანა.

ღუმუ რჩქინელი რდჷ 2700 წანაშ კინოხ ჩქინ ერაშახ. მუჭოთ ჩქანს, კულტურულ ღუმუს გეგშერთჷ ტყარ ღუმუქ ხოლო (S. Ketzchovellii Menab). კულტურული ღუმუ ჩქინწკჷმა XV ოშწანურას მუკმორჩქინდუ. თაურეშე, ღუმუ საქორთუოს დოხოლაფირო 550 წანას იკოროცხუნს, თეშ უმკუჯინალო საქორთუოს ღუმუშ მუარე ხვემოსალიანი ჯიში არსებენს.