香港中間派

中間派（英文：Centrist camp），係香港嘅中間主義政治派系，政治光譜介乎於建制派同泛民主派中間，佢哋嘅主要政治團體包括：民主思路、新思維、希望聯盟、民生圓桌（偏建制派）等等。

根據香港大學民意研究計劃嘅2015年12月民調數據顯示：香港嘅中間派支持者佔41.9%，泛民主派佔28.4%，建制派佔11.4%。不過響選舉上，多數自稱中間派嘅支持者最終投返畀建制派，所以打正旗號做中間派嘅政團響議會上幾乎唔見影。2016年，民主思路、新思維、專業動力都有派人參選第6屆香港立法會選舉嘅地區直選，但全部落選，不過陳沛然就喺醫學界功能界別順利當選，5年後嘅第7屆香港立法會選舉，泛民主派出身嘅狄志遠喺社福界功能界別當選立法會議員。