中非帝國
中非帝國係一個喺1976－1979年果陣短暫存在嘅帝國。[1]中非帝國嘅前身同承繼佢嘅國都係中非共和國。中非帝國嘅君主係讓-巴都·博卡薩。佢喺1966年1月1號－1976年12月4號果陣係中非共和國嘅總統。喺1976年12月4號，讓－巴都·博卡薩宣布中非帝國正式成立，佢又將自己自立做博卡薩一世。佢喺1977年12月4號加冕。[2]
.jpg)
歷史
喺1976年9月5號，嗰陣嘅中非共和國總統讓-巴都·博卡薩宣布解散政府，同埋佢喺同一日成立咗中非革命委員會嚟到代替政府。喺1976年12月4號讓-巴都·博卡薩宣布中非帝國正式成立，又將自己自立做皇帝，同埋佢喺嗰年12月7號解散咗中非革命委員會。喺1977年12月4號，第一個中非皇帝博卡薩一世喺中非首都班基度舉行咗加冕儀式。[3] 嗰個加冕典禮嘥咗中非二千萬美金，有傳言話淨係嗰皇冠就經已嘥咗中非五萬美金。呢場加冕儀式都獲得咗法國同埋好多西方政權嘅祝福。 [4]