八仙
八仙係道教既八位神仙,佢哋分別代表咗男、女、老、幼、貧、賤、富、貴呢八種唔同既人,分別係何仙姑、韓湘子、曹國舅、藍采和、漢鍾離、鐵拐李、呂洞賓、張果老,佢哋都係凡人得道成仙既凡人,性情、性格同埋造型都接近一般人,所以八仙喺民間好受尊崇,佢哋既故事亦都喺民間廣為流傳[1][2]。
八仙傳說既起源係西漢,喺淮南王劉安既《淮南子》[3]後傳出劉安既八位門客都一齊成咗仙。
到咗唐代,唔少文人墨客都附會埋,喺詩人、畫家渲染之下,八仙故事就多咗幾分浪漫色彩,仙家人數亦大為增加,最出名既係李白、賀知章等八個好杯中物既詩人,後人叫佢哋做酒中八仙人[4][5]。
我哋依家熟識既八仙,係明代既版本,係吳元泰既《東遊記》[6]同埋湯顯祖既《邯鄲夢》[7]裏面所講既八位神仙。呢八位分別係:男既代表呂岩(呂洞賓)、女既代表何瓊(何仙姑)、老既代表張果(張果老)、少既代表藍采和、貧既代表鍾離權(漢鍾離)、賤既代表李玄(鐵拐李)、富既代表韓湘(韓湘子)、貴既代表曹景休(曹國舅)。