動員

動員係一種軍事行動，就係當一個國家召集佢嘅軍隊同物資，嚟為打仗做準備。自從19世紀創造咗征兵、電報、同鐵路等等嘅科技之後，喺短時間之內征集大量嘅士兵變得更加容易，令打仗嘅規模急速擴大。首先，電報令即時通訊能夠以光速傳遞信息，例如軍事指令，而鐵路容許大量由全國各地而嚟嘅士兵，能夠好快咁集中。征兵就令個國家可以喺和平時期唔影響正常生活底下，保留大量嘅預備役人員。

呢一個字眼首先喺1850年代開始，當時用嚟形容普魯士王國嘅軍事動員工作^[1]。由嗰陣開始，科技不斷革新，令無論係理論定係實際操作嘅策略，都同樣係咁變。其實動員由1790年代嘅法國大革命已經開始制度化，但係唔到兩次世界大戰都沒大規模咁發生過。喺一次同二次大戰期間，粗略估計^[a]分別有超過7,000萬同超過1.1億人應征入伍^[2][3][4]。同動員相反嘅軍事行為叫做復員。