太湖片

太湖片，即北部吳語^[1]或者吳語北片^[2]，係吳語分佈面積最大、用嘅人最多嘅一個方言片，因為佢分佈嘅區域度有太湖而得名。具體範圍大致包括江蘇南部、浙江北部、上海以及皖南廣德市、郎溪縣，講嘅人大約4700幾萬^[2]，佔吳語使用總人口大約65%左右^[3]:4，係影響力最強嘅一支吳語。

太湖片對比其他吳語片區比較一致，內部相互交流基本上完全無問題。哩個方言片畀細分為毗陵、蘇滬嘉、苕溪、杭州、臨紹、甬江6個小片。有專家對其中嘅蘇滬嘉、苕溪兩個小片嘅劃分提出質疑，認為根據佢地啲方言發音嘅相差，應該重新劃分為蘇嘉湖小片、上海小片，例如《辭海》、《中國大百科全書》就採用咗哩種劃分^[4][2]。歷史上，太湖片嘅權威方言長期而來都係蘇州話，不過19世紀上海開埠之後逐漸就由上海話取代哩個地位^[3]:5。