心理旋轉
心理旋轉（粵拼：sam1 lei5 syun4 zyun2；英文：mental rotation）係指一個人喺心入面想像一件三維嘅物體「由唔同角度望係乜樣」嘅能力。
.jpg)
實驗
- 個實驗有若干次試驗（trial），每次試驗都涉及個受試者喺個熒幕上見到兩件立體嘅物件，
- 喺某啲試驗入面，兩件物件係一樣嘅，而喺某啲試驗入面，兩件物件係彼此嘅鏡像；
- 受試者要做嘅嘢係見到兩件物件嗰陣有咁快得咁快回答「呢兩件物件係咪一樣」；
- 佢哋嘅結果發現，兩件物件之間喺面向嘅角度上差異（呢個係自變數）愈大，受試者嘅反應時間就會愈長，而呢段關係係線性嘅[1]。
呢個實驗結果一般俾人認為係展示咗人曉旋轉佢哋喺腦海入面想像嘅物件，開展咗認知心理學上對心理旋轉嘅研究[2]。