掩蔽效應
掩蔽效應(英文:auditory masking)係指聽覺系統對一種聲音嘅感知俾第種聲影響嘅現象。[1] 聽覺掩蔽效應喺頻域上嘅一般喊做「同時掩蔽」或者「頻域掩蔽」,喺時域上嘅喊做「時域掩蔽」或「非同時掩蔽」。
同時掩蔽
一種聲俾第種同時發出嘅聲㔶過,嗌同時掩蔽。
例:喺1kHz頻率上發出嘅聲,聲強較大嘅,可能會㔶過喺1.1kHz頻率上聲強較細嘅聲。同樣,喺440Hz同埋450Hz上嘅兩種聲分別先後發出,聽者就分得清楚,不過佢哋同時發出嗰陣會變到好難識別。
時域掩蔽
時域掩蔽發生喺時間上相鄰嘅聲音之間。若果噪音超前過就快聽到嘅聲,嗌超前掩蔽;噪音出現喺聽到嘅聲之後,嗌滯後掩蔽。一般嚟講,超前掩蔽好短,只有5~20ms,而滯後掩蔽可以持續50~200ms。[2]