方濟各史葛基
| 方濟各史葛基 | |
|---|---|
 方濟各史葛基（大約喺1825年影） | |
| 第四任美國哥倫比亞特區檢察官 | |
| 任期 1833－1841 | |
| 總統 | |
| 前任 | 湯馬士史旺（律師） |
| 繼任 | 芬德爾二世 |
| 個人資料 | |
| 出世 | 1779年8月1號 馬利蘭州腓特烈縣（依家嘅馬利蘭州卡羅縣） |
| 死 | 1843年1月11號（63歲） 美國馬利蘭州巴爾的摩 |
| 墓地 | 馬利蘭州腓特烈縣橄欖山公墓 |
| 配偶 | 瑪麗萊德（1802年結婚） |
| 仔女 | 11,[1]包括菲利普基二世 |
| 親屬 |
|
| 職業 |
|
方濟各史葛基（Francis Scott Key，1779年8月1號—1843年1月11號）[3]係一個嚟自美國馬利蘭州腓特烈縣嘅律師，佢亦都係一個作家同詩人，佢最出名嘅係佢作嘅詩俾美國用咗嚟做國歌《星條旗》[4]。 喺打緊1812年戰爭嘅時候，喺1814年嘅一日，英軍砲轟麥亨利堡。基先生佢喺第二日朝頭早睇到美國國旗仍然喺俾英軍炸到爛晒嘅麥亨利堡上空飄揚，佢受到啟發，寫咗一首叫《保衛麥亨利堡》（Defence of Fort M'Henry）嘅詩；喺1800年代，流行歌曲嘅曲調經常都會俾人用嚟配上新嘅歌詞，嚟製作另一首歌。例如，《馬利蘭，我嘅馬利蘭》（Maryland, My Maryland）同《哦！聖誕樹》（德文：O Tanenbaum；英文：Oh Christmas Tree）嘅曲調相同。跟隨呢個習俗，基先生用咗一首當時相當流行嘅英國飲酒歌（drinking song）嚟做《星條旗》嘅基礎[5]。嗰首飲酒歌喺嚟自倫敦一間好受歡迎嘅紳士俱樂部，叫做 Anacreontic 協會，間俱樂部用咗公元前五世紀嘅「希臘歡樂嘅吟遊詩人」Anacreon 嘅名嚟命名[5][6][7]。首歌慢慢流行起嚟，俾好多人當成非官方國歌咁唱，最終喺一個幾世紀之後，俾胡佛總統批准咗做正式嘅美國國歌。
基喺馬利蘭州同華盛頓特區做咗四十年律師，曾經處理過一啲重要嘅案件，包括涉及當時嘅副總統阿倫伯爾可能叛國嘅伯爾陰謀案（Burr conspiracy），佢喺最高法院好幾幫伯爾辯護。佢俾安祖積遜總統提名做1833年到1841年期間嘅哥倫比亞特區地方檢察官。佢係一個虔誠嘅聖公會教徒。
基喺1800年開始就擁有奴隸，喺呢段期間，廢奴主義者認為奴隸制度造成嘅唔公平現象，佢哋認為基呢類嘅奴隸主通過奴隸制，令自己變成有錢同埋強大，佢哋話基應該將《星條旗》嘅「自由嘅國土同勇者嘅家園」（Land of the free and the home of the brave）改成「自由嘅國土同被壓迫者嘅家園」（Land of the Free and Home of the Oppressed）[8][9][10]。 作為地方檢察官，佢鎮壓嗰啲廢奴主義者，同埋喺1836年佢對Reuben Crandall（case against Reuben Crandall）嘅官司嗰度輸咗，喺嗰單官司嗰度佢指控啲廢奴主義者，通過出版物，煽動奴隸叛亂，同埋將美國嘅奴隸制描述成為一個殘酷同罪惡嘅制度[11]。 佢亦都係美國殖民協會嘅領導人，嗰個會將啲以前嘅奴隸送去非洲[12][13]。 佢喺1830年代釋放咗一啲奴隸，又請咗一個奴隸做農場工頭嚟管理其他奴隸。 佢公開批評奴隸制，又為一啲尋求自由嘅奴隸提供免費嘅法律服務，但係佢亦都代表逃亡奴隸嘅主人。到咗佢死嘅時候，佢仲有八個奴隸[14]。
早期生活
.jpg)
基出生喺一個有錢嘅家庭[15]，佢老豆約翰羅斯基係一個律師、大陸軍嘅軍官同英國裔嘅法官[16]。 佢老母安查爾頓（Ann Phoebe Dagworthy Charlton）、外公阿瑟查爾頓（Arthur Charlton）係一個酒館（tavern keeper）嘅老闆，外婆係馬利蘭州殖民地腓特烈縣嘅哈里森（Eleanor Harrison）[16][17]。
基喺馬利蘭州腓特烈縣（依家係卡羅爾縣，Carroll County）嘅家庭種植園 Terra Rubra 長大[18]。 喺1796年，佢係馬利蘭州安納波里斯嘅聖約翰學院（St. John's College），跟佢阿叔菲利普基（Philip Barton Key）讀法律，佢阿叔喺獨立戰爭期間係忠於英國王室嘅。 [19]1802年1月1號，佢同威家族（Wye House）愛德華萊特四世嗰女瑪麗萊德（Mary Tayloe Lloyd）結婚。佢外母伊利沙伯泰露（Elizabeth Tayloe）係艾里山（Mount Airy）嘅約翰泰露二世（John Tayloe II）嘅女、八角宮（Octagon House）嘅約翰泰露三世嘅細妹[20][21]。佢哋兩夫婦住喺佐治城（Georgetown），生咗11個細路[22]。
星條旗
1814年9月7號，繼8月華盛頓大火（Burning of Washington）之後，基同約翰史堅納上校（Colonel John Stuart Skinner）喺英國皇家海軍托南號（HMS Tonnant）上面食嘢。佢哋都係海軍中將（Vice Admiral）Alexander Cochrane、海軍少將（Rear Admiral）George Cockburn 同陸軍少將（Major General）羅拔羅斯嘅客人。史堅納同基喺嗰度懇求釋放 Dr. William Beanes，佢係住喺馬利蘭州上萬寶路鎮嘅老人家，亦都係基嘅朋友，佢係8月28號喺屋企俾人捉咗。Beanes 俾英軍指控協助美國逮捕一啲搶劫民居嘅英兵。英軍批准史堅納、基同啱啱俾英軍釋放嘅 Beanes，喺英軍嘅看守之下返去自己嘅停戰船[23]，但係就唔准佢哋離開艦隊，原因係佢哋已經熟悉咗英國部隊嘅實力、位置，同埋打算攻擊巴爾的摩。喺船上面，基除咗睇住英軍，由9月13號嘅黎明到第二日朝頭早，對麥亨利堡嘅美軍進行長達25個鐘嘅轟炸之外，無其他嘢好做。
第二日黎明嘅時候，基睇到一面巨大嘅美國國旗喺堡壘上空飄揚，佢喺袋嗰度攞咗封信出嚟，喺後面空白嘅位置寫咗一首詩，描繪佢睇到嘅嘢。9月16號，英軍釋放咗基、史堅納同 Beanes，俾佢哋離開艦隊。嗰晚佢哋到咗巴爾的摩嘅時候，基喺印地安皇后酒店嘅房裏面完成咗嗰首詩。 第二日，佢嗰首無標題、無簽名嘅手稿喺副刊嗰度出版咗，編輯俾咗個標題叫做「保衛麥亨利堡」，又註明：「曲調——天堂嗰度嘅 Anacreon」。呢首係流行曲，基已經用過佢嚟做佢喺1805年寫嘅歌曲《當戰士歸來》，歌頌第一次 Barbary 戰爭嘅美國英雄[24]。 呢首歌先係喺巴爾的摩嘅報紙上面發表，然後喺全國各地以新標題《星條旗》發表。 雖然呢首歌比較難唱，但係就變得越來越受歡迎，喺美墨戰爭同埋美國內戰期間，呢首歌同《哥倫比亞萬歲》（1796）競爭，成為事實上嘅國歌。《星條旗》呢首歌喺1931年由胡佛總統簽署嘅國會法案（Act of Congress），喺呢首歌發佈一個世紀有多之後，終於成為美國國歌[24]。
律師生涯
基好多年嚟都一直係馬利蘭州腓特烈縣同華盛頓特區嘅出名律師，主要業務係房地產同訴訟。 大約喺1805年至1806年，佢同屋企人喺新首都華盛頓西北面附近嘅喬治城住。佢幫佢阿叔菲利普基，喺1807年轟動一時嘅陰謀案件——伯爾陰謀案（Burr conspiracy），幫阿倫伯爾辯護。基亦都喺1808年幫俄亥俄州參議員約翰史密斯（Senator John Smith ）辯護，佢用嘅理由係史密斯可能係出於天真無知，而唔係想叛國，最終決議以一票之差而唔能夠達到三分之二嘅驅逐門檻，不過史密斯最後都係喺4月25號辭職，即係國會開會嘅最後一天[25]。 1808年，佢幫湯瑪斯傑佛遜總統嘅總檢察長打美國政府控訴彼得斯（Peters）案。
1829年，基幫手起訴莊昆斯阿登斯總統嘅前財政部審計員 Tobias Watkins 挪用公共資金。佢仲處理咗同戰爭部長約翰伊頓（John Eaton）有關嘅襯裙事件（Petticoat affair）政治醜聞；喺1832 年，山姆侯斯頓（Sam Houston）因為毆打俄亥俄州眾議員威廉斯坦伯里（William Stanbery）而受審，佢做山姆侯斯頓嘅律師。 喺做咗幾年安祖積遜總統嘅顧問之後，基喺1833年俾總統提名做哥倫比亞特區嘅地方檢察官[26]。 佢從1833年做到1841年，任職期間佢同時亦都私人執業[27]。喺1835年，佢起訴理察羅倫斯（Richard Lawrence）企圖喺國會大廈頂樓暗殺傑克遜總統，呢單係歷史上第一次暗殺美國總統嘅行動[28]。
紀念碑同紀念館
