番茄

番茄（粵拼：faan1 ke2；學名：Solanum lycopersicum）係茄科茄屬嘅一年生草本植物，原產南美洲秘魯嘅山谷森林。由於佢營養豐富又好味，俾人叫做「綠色世界嘅紅寶石」。

How to read a taxobox

番茄

喺街邊市場入面買到嘅番茄

物種分類

界	植物界 Plantae
（未分級）	被子植物 Angiosperm
（未分級）	真雙子葉植物 Eudicots
（未分級）	菊類植物 Asterids
目	茄目 Solanales
科	茄科 Solanaceae
屬	茄屬 Solanum
種	番茄 S. lycopersicum

二元學名

Solanum lycopersicum
L.

名

粵語之所以叫佢做番茄，係因為佢喺番邦度嚟，加上佢似茄子。不過因為佢係植物，好多人連個番都寫做「蕃」，變咗做「蕃茄」。

全球各地唔同嘅名

番茄喺唔同國家嘅語言入面，甚至係古代都有唔同嘅嗌法。譬如中文裏便通常就叫「番茄」，但係喺中國大陸亦有人嗌佢「西紅柿」。同埋番茄嘅英文「tomato」喺英美嘅發音都唔一樣。

形態

呢種植物可以生到1~3米高。佢條梗（有陰去聲，讀gwaang2）雖然係木質，但係好弱，所以要爬住其他植物生。番茄葉長10~25厘米，似羽毛，一塊葉有五到九瓣，一瓣八厘米長。葉邊似鋸，梗同葉都係毛。花黃，1~2 厘米闊，花冠有五瓣向外。花成束生，一束有3~12朵，好似個幼邊嘅星星噉。果係可以食醬果，大多數都係紅嘅，有啲係黃或綠嘅品種。野生得一兩厘米，種嘅可以大隻啲。

用途

呢種植物可以用嚟做蔬菜，同時重可以做生果。另外，佢嘅果可以做藥。

營養價值

番茄有豐富營養，其中有番茄紅素及維他命C，而維他命C重係西瓜嘅10倍，喺加工製品好似番茄汁同埋番茄醬等都含有番茄紅素成份。

藥用價值

果可以做藥，既可以醫壞血病、感冒、過敏性紫癜癥、前列腺炎嘅病，又可以醫子宮頸癌、膀胱癌、胰臟癌等癌症。甚至可以提高人嘅抗病能力。

發現史

喺16世紀之前，番茄喺南美洲長時間俾人當咗係有毒植物而冇人食，甚至連當地啲印第安人話佢凈係得狼先至食得^{[未記出處或冇根據]}。直到16世紀，愛羅達拉利公爵來咗南美洲之後帶咗樖番茄去伊麗莎白港女王嚟睇，之後番茄傳咗入歐洲^{[未記出處或冇根據]}。直到18世紀，歐洲同北美啲人用胡椒、蒜頭、牛油做佐料，將番茄當成蔬菜來食。