第48屆日本眾議院議員總選舉

安倍為咗確保要有參議院三成二嘅席數嚟修改憲法，曾經諗過解散眾議院，可以參眾兩院響同一日舉行選舉，提高選舉名氣同拉高投票率，而且執政黨入面有人認為，如果實行響同一日選舉，會好易分裂在野黨之間嘅合作，而贏出選舉。不過，自民黨入面亦有人認為，「響觀察熊本地震災後嘅重建情況上，首相將會作出最終判斷」，存在住摸索解散眾議院嘅可能性^[1]。

4月20號，首相安倍晉三宣佈放棄響7月舉行嘅參議院選舉同眾議院選舉一齊舉行；執政黨已經響同日通知咗執政聯盟嘅公明黨，話唔會提前解散眾議院；自民黨幹事長谷垣禎一同公明黨幹事長井上義久響20號朝早就今後嘅國會運作進行咗磋商，一致達成應該優先救災。考慮到放棄響本屆國會通過跨太平洋經濟合作協定批准案同相關嘅法案方針，參議院運營委員會計劃設置特別委員會嚟推遲通過^[1]。

9月17號，日本放送協會引述政府消息人士報道，首相安倍晉三有意響9月28號臨時國會會期開始嗰陣，宣布解散眾議院，提前響10月國會新會期開始之前舉行大選。安倍已經同執政聯盟嘅公明黨黨魁山口那津男講過呢嗰諗法，預料兩個人會響18號會再傾。而共同網報道，自民同公明黨目前係諗響10月22又或者29號舉行大選，不過考慮到美國總統特朗普可能會響11月初訪問中日韓，所以亦有傳媒推測，大選或者會留返響特朗普訪問完日本之後先舉行。因為安倍之前捲入以低價出售國有土地，幫朋友開學校嘅風波，民望一度跌到唔夠三成，加上自民黨響7月東京都議會選舉慘敗畀東京都知事，小池百合子領導嘅都民第一之會令到安倍嘅執政地位受到威脅。不過近排朝鮮半島局勢緊張，8月先啱啱改組完內閣嘅安倍，響應對北韓問題嘅態度強硬，令到政府支持率回升到四成左右，加上響在野民進黨內部出現退黨潮陷入混亂。有分析認為，安倍希望趁住提前大選進一步鞏固領導地位，一方面有利推行應對北韓之類嘅重要政策，同時亦為自民黨嘅修憲計劃鋪路。而民進黨黨魁前原誠司批評安倍為咗明哲保身，響朝鮮半勢局勢唔穩嘅時候試圖製造政治空白期，係棄國民安全於不顧。而自民黨代理幹事長萩生田光一就話，首相有權解散國會，佢亦會遵從安倍嘅決定，但係安倍必須要同國民講明點樣應對北韓威脅之類嘅問題。

9月28號，日本首相安倍晉三在臨時內閣會議中簽署文件確認解散國會後，由眾議院議長大島理森在臨時國會會議上宣布這個消息，重計劃提前響10月22號舉行大選，佢期望佢領導嘅自民黨聯同執政聯盟入面嘅公明黨，攞到過半數嘅二百三十三個議席，爭取選民支持佢應對北韓採取嘅施壓行動同經濟措施。重提出響2019年10月，將消費稅由百分之八提高到百分之十，將稅收入面嘅二萬億日園改用響育兒嘅支援措施到。在野黨唔妥佢響臨時國會會議一召開就宣布有關決定，意圖掩色佢捲入嘅森友學園同加計學園醜聞，缺席會議抗議安倍計劃提前大選^[2]。

10月10號，為期十二日嘅日本眾議院選戰正式開始，今屆選舉各黨派合共派出超過一千一百八十人競逐眾議院四百六十五個議席，係日本修法將廿二歲先畀投票下降到十八歲之後第一次舉行嘅全國性選舉，預計各個政黨候選人拉票時會就修憲、增加消費稅，同埋應對北韓威脅等議題爭取支持^[3]。

自民黨

執政自民黨總裁兼首相安倍晉三，10號去福島街頭拉票，呼籲選民支持佢繼續應對國家少子高齡化，同埋北韓核危機兩大難題^[3]。

呢次選舉被視為係對首相安倍晉三政權考驗嘅一次選舉，安倍把握最後機會冒雨拉票，強調「安倍經濟學」帶來實際改革成果，重指尋求同北韓對話，化解朝鮮半島危機，保衛國民生命同幸福^[4]。

希望之黨

領導希望之黨嘅東京都知事小池百合子就留響東京拉票，繼續針對森友學園嘅醜聞攻擊安倍，重提出暫時凍結增加消費稅，呼籲選民以手上一票結束安倍政權，等國家出現轉變^[3]。

民進黨

領導民進黨嘅前原誠司響今屆選舉打算同希望之黨合併，民進黨唔會派出任何人參與呢場選舉，但後來小池百合子話要審查民進黨派過嚟候選人同希望之黨政見係唔係一樣先接收，搞到剩底一班黨內自由派嘅議員被迫出走，以支野幸男為首組成立憲民主黨重新出發，剩底嘅唔肯入希望之黨又唔肯入立憲民主黨嘅議員以獨立人士身份參選，即係今屆民進黨分裂成三組人參選^[5]。

立憲民主黨

菅直人

前首相菅直人（七十一歲）將作為由民進黨自由派迅速成立嘅立憲民主黨候選人，12號響東京都小金井市嘅JR武藏小金井站前話：「我係在野黨自由派嘅統一候選人。希望大家響比例代表投票入面分別投畀共產黨、社民黨同立憲民主黨，攜手將安倍政府趕落台。」演講結束之後，想要同佢握手同影相嘅人將佢團團包圍。響東京十八區參選嘅菅直人一直以來都同自民黨嘅土屋正忠（七十五歲）展開激烈競爭。而佢響做任首相嗰陣響東日本大地震嘅應對措施至今都受到批評。響46、47屆嘅單議席選區入面菅直人都係輸咗，最後要響政黨票比例代表到先復活贏出。不過，菅直人所在陣營呢次信心爆棚，因為「呢次氣氛比上次好好多。」菅直人響選戰入面主張實現零核電同促進可再生能源。另外，希望之黨嘅鴇田敦（五十一歲）亦響東京十八區參選^[6]。

獨立人士

野田佳彥

前首相野田選區響千葉四區。雖然佢發嘅傳單同上電視宣傳政見方面受到限制，比政黨推舉嘅候選人形勢重嚴峻，但係野田話：「可以無拘無束噉暢所欲言。」佢高舉打倒安倍政府旗幟，選舉公告發佈之後不停噉去各地幫過去嘅同伴加油助陣，對於佢哋身在邊個政黨就唔過問。自己主要活動只是朝早響選區入面嘅車站前派傳單而唔發表演講。即使係噉，從縣議員時代開始發表過無數場街頭演講嘅野田重有人氣。13號天氣唔好嘅朝早，一個響當地打工嘅女性（五十六歲）着住雨褸踹單車到車站前，佢話：「聽到野田先生響到，我就急著來。」繼上次之後再來挑戰野田嘅自民黨候選人木村哲也（四十八歲）話：「會全力以赴去挑戰」。自民黨陣營認為「因為被希望之黨排除，野田可能會贏到唔少同情票」，對佢保持警惕^[6]。

10月22號，日本全國四萬幾個票站響當地朝早七點開放，民眾陸續去票站投票，由於超強颱風蘭恩正趨向日本，預料廣泛地區天氣惡劣，沖繩等地落大雨，可能影響投票率，部分票站響21號提早開放投票，所以部分選民已經提前投咗票^[7]。

9月28號，每日新聞社最新民意調查話，只有兩成六嘅被訪者支持安倍噉樣做，或者會打擊自民黨嘅選情。而且東京都知事小池百合子嘅希望之黨來勢洶洶，每日新聞社另一項調查話，自民黨嘅支持率係兩成九，但成立只有一日嘅希望之黨支持率已經超越其他在野黨，一下就有一成八，跳升第二。重有報道話，自民黨總部開始憂慮，按而家嘅發展趨勢東京選區入面所有自民黨眾議院議員將會面臨敗選。民進黨黨魁前原誠司正響到推動黨入面嘅眾議員作為希望之黨嘅候選人參選。共同社報道，前原正考重同希望之黨達成事實上合併嘅方案，在野黨重組嘅走向或者會成為選戰造成影響^[2]。

10月10號，民意調查話，有三成二受訪者話會投畀自民黨，支持希望之黨嘅人就回落到一成三^[2]。

10月9到15號，日本放送協會進行電話訪問，有近四成被訪者支持安倍內閣，比前一個禮拜上升兩個百分點，唔支持嘅就有四成二^[8]。

10月15到17號，日本共同社進行電話調查，訪問大約十二萬個選民。結果係首相安倍晉三領導嘅自民黨選情一支獨秀，預計可以攞到二百八十個眾議院議席。雖然比目前少，但係連埋公明黨嘅議席，兩黨有望攞到三分之二即係大約三百十一個議席。東京都知事小池百合子嘅希望之黨，預料只係攞到五十席，比最初預計嘅少。反而由前內閣官房長官枝野幸男成立嘅立憲民主黨異軍突起，預計攞到議席同希望之黨差唔多。不過亦有調查話，重有四成被訪者重未決定支持邊個政黨。除咗共同社，多個近期做嘅調查亦得出類似結果，原本認為可以動搖執政聯盟選情嘅希望之黨，而家睇來有隱憂^[8]。

10月21號，日本經濟新聞民意調查話，執政聯盟自民黨同公明黨維持領先優勢，預料可以攞到接近三百個議席，但係惡劣天氣可能對自民黨不利，基於選情已經響上風，支持者唔太願意冒風雨出嚟投票；希望之黨近期走勢放緩，共同社報道，黨入邊唔妥小池「排他意識」嚴重，刻意同新加入黨員保持距離，削弱黨嘅凝聚力；而由前內閣官房長官枝野幸男成立嘅立憲民主黨，批評「安倍經濟學」擴大貧富懸殊，得到唔少選民同埋右翼人士支持，有望攞到超過五十席，成為最大在野黨；不過目前重有四成人未決定投票意向，意味執政聯盟攞唔攞到眾議院三分二議席，安倍之後可唔可以順利提出修憲重存在唔確定因素^[4]。

10月11號

讀賣新聞^[9]

• 自民、公明兩黨加埋可以攞到超過300席；選前有57席嘅希望之黨可望有少少增長；立憲民主黨嘅議席可能會有大幅度增長，成為自民黨、希望之黨之後嘅第三大黨；維新、社民、共產陷入苦戰；日本之心黨情況更加嚴峻。

10月12號

共同通信社^[10]

• 自民黨無論喺單議席選區、比例區都有優勢，不但只可以單獨過半而且議席數目仲可能超越上一屆。公明黨35席有機會再攀升，自民同公明兩黨加埋會有超過300席；希望之黨有60席左右；立憲民主黨議席倍增到30席；共產黨議席會跌少少；日本維新會議席微升；社民黨保住2席；日本之心黨情勢嚴峻。

10月13號

朝日新聞^[11]

• 自民黨同公明黨席捲300席。即使自民黨可能會少過選前嘅284席，但喺單議席選區入面，會攞到超過200席，可以單獨過半；公明黨保唔保得住34席就有啲疑問。希望、維新會會維持同選前差唔多嘅席數。立憲民主黨可望由選前15席躍進到40席。共產黨席數微跌。新黨大地、社民黨都有機會攞到議席。

10月16號

毎日新聞^[12]

• 自民黨、立憲民主黨議席會比選前有增長。自民黨有機會單獨超過300席。立憲民主黨席數會增長3倍(大概45席)。希望之黨、公明黨、共產黨、日本維新會同社民黨席數會比選前少。

產經新聞・富士電視台^[13]

• 自民黨會有300席左右。公明黨好難保持依家嘅席數。希望之黨可能跌到得返40席左右。立憲民主黨就有機會攞到50席，超越希望之黨做最大反對黨。共產黨要保住21席有啲難度，日本維新會喺根據地大阪陷入苦戰。社民黨肯定有1席，日本之心黨選情嚴峻。

眾議院嘅全部四百六十五個議席當中，首相安倍晉三領導嘅自民黨贏到281席，加埋追加公認3人同盟友公明黨嘅29席，合共攞到313席，意味著執政聯盟仍然守得住三分之二嘅修憲門檻。至於東京都知事小池百合子領導嘅希望之黨就受到挫敗，議席跌咗7席。小池旗下嘅頭馬若狹勝同福田峰之都落馬，票數甚至唔夠當區嘅立憲民主黨候選人高。希望之黨喺根據地東京都只係贏到1席。另外希望之黨盟友日本維新會跌3席。而立憲民主黨就大勝，議席由15席躍升到55席，比之前嘅民調預測仲要高，並且取代希望之黨做第一大反對黨。今屆同立憲民主黨合作嘅日本共產黨同日本社民黨分別跌咗9席同無變化。獨立候選人方面，唔計追加公認嘅4人，總共有22人當選，當中大部分都係有民進黨身份嘅候選人，好似前首相野田佳彥。

單議席選區贏出名單

自民黨 公明黨 立憲民主黨 共產黨 希望之黨 維新會 社民黨 獨立人士

比例代表贏出名單

自民黨 立憲民主黨 希望之黨 公明黨 共產黨 維新會 社民黨

首次贏出嘅初哥

自由立憲民主黨

• 木村次郎（青森第3選區）
• 國光文乃（茨城第6選區）
• 穂阪泰（埼玉第4選區）
• 泉田裕彥（新潟第5選區）
• 西田昭二（石川第3選區）
• 金子俊平（岐阜第4選區）
• 小寺裕雄（滋賀第4選區）
• 本田太郎（京都第5選區）
• 高村正大（山口第1選區）
• 上杉謙太郎（東北比例）
• 中曾根康隆（北關東比例）
• 佐藤明男（北關東比例）
• 百武公親（北關東比例）
• 神田裕（北關東比例）
• 木村哲也（南關東比例）
• 安藤高夫（東京比例）
• 高木啓（東京比例）
• 繁本護（近畿比例）
• 三浦靖（中國比例）

立憲民主黨

• 道下大樹（北海道第1選區）
• 石川香織（北海道第11選區）
• 早稲田夕季（神奈川第4選區）
• 神穀裕（北海道比例）
• 池田真紀（北海道比例）
• 岡本章子（東北比例）
• 長穀川嘉一（北關東比例）
• 山川百合子（北關東比例）
• 堀越啓仁（北關東比例）
• 大河原雅子（北關東比例）※
• 高木鍊太郎（北關東比例）
• 中穀一馬（南關東比例）
• 宮川伸（南關東比例）
• 松平浩一（北信越比例）
• 山本和嘉子（北信越比例）
• 青山雅幸（東海比例）
• 日吉雄太（東海比例）
• 松田功（東海比例）
• 櫻井周（近畿比例）
• 尾辻かな子（近畿比例）※
• 長尾秀樹（近畿比例）
• 龜井亞紀子（中國比例）※
• 武內則男（四國比例）※

希望之黨

• 西岡秀子（長崎第1選區）
• 緑川貴士（東北比例）
• 森田俊和（北關東比例）
• 青山大人（北關東比例）
• 淺野哲（北關東比例）
• 伊藤俊輔（東京比例）
• 關健一郎（東海比例）
• 源馬謙太郎（東海比例）
• 井上一德（近畿比例）

公明黨

• 太田昌孝（北信越比例）
• 鰐淵洋子（近畿比例）※

日本維新會

• 串田誠一（南關東比例）
• 森夏枝（近畿比例）

獨立人士

• 廣田一（高知第2選區）※

重新返到眾議院

自由民主黨

• 小林茂樹（奈良第1選區）
• 船橋利實（北海道比例）
• 三谷英弘（南關東比例）
• 上野宏史（南關東比例）
• 杉田水脈（中國比例）

立憲民主黨

• 海江田萬里（東京第1選區）
• 川內博史（鹿兒島第1選區）
• 本多平直（北海道比例）
• 山崎誠（東北比例）
• 阿久津幸彥（東北比例）
• 生方幸夫（南關東比例）
• 岡島一正（南關東比例）
• 手塚仁雄（東京比例）
• 末松義規（東京比例）
• 山花郁夫（東京比例）
• 吉田統彥（東海比例）
• 森山浩行（近畿比例）
• 村上史好（近畿比例）
• 橫光克彥（九州比例）
• 山內康一（九州比例）
• 矢上雅義（九州比例）

希望之黨

• 下條みつ（長野第2選區）
• 佐藤公治（廣島第6選區）
• 白石洋一（愛媛第3選區）
• 山岡達丸（北海道比例）
• 近藤和也（北信越比例）
• 齊木武志（北信越比例）
• 樽床伸二（近畿比例）
• 中山成彬（九州比例）
• 稲富修二（九州比例）
• 城井崇（九州比例）

日本維新會

• 杉本和巳（東海比例）

連任失敗嘅人

自由民主黨

• 高木宏壽
• 今津寛
• 中川鬱子
• 前田一男
• 勝沼榮明
• 橋本英教
• 西川公也
• 土屋正忠
• 前川惠
• 金子惠美
• 小松裕
• 木內均
• 助田重義
• 青山周平
• 島田佳和
• 瀬戸隆一
• 宮崎政久
• 比嘉奈津美

希望之黨

• 松木謙公
• 村岡敏英
• 近藤洋介
• 升田世喜男
• 吉田泉
• 福島伸享
• 阪本祐之輔
• 宮崎嶽志
• 武正公一
• 鈴木義弘
• 石關貴史
• 太田和美
• 神山洋介
• 若狹勝
• 福田峰之
• 木內孝胤
• 小澤鋭仁
• 中根康浩
• 馬淵澄夫
• 北神圭朗
• 井阪信彥
• 田島一成
• 橫山博幸
• 野間健
• 緒方林太郎
• 松野頼久

公明黨

• 上田勇
• 真山祐一
• 輿水惠一
• 角田秀穂
• 中川康洋
• 吉田宣弘

日本共產黨

• 畠山和也
• 梅村早江子
• 齊藤和子
• 池內沙織
• 島津幸廣
• 清水忠史
• 堀內照文
• 大平喜信
• 真島省三

日本維新會

• 吉田豊史
• 松浪健太
• 椎木保
• 伊東信久
• 木下智彥
• 河野正美

獨立人士

• 豊田真由子
• 今野智博（自民黨籍）
• 長崎幸太郎（自民黨籍）
• 小山展弘（民進黨籍）
• 伴野豊（民進黨籍）
• 松田直久（民進黨籍）
• 仲裡利信

引退唔再連任嘅人

注腳

• 自民黨

• 立憲民主黨

• 其他

選前

民進黨分裂

有分析認為，響7月東京都議會選舉，代表都民第一之會出選嘅五十個候選人入面，幾乎所有人都攞到議席，至於面對黨員相繼退黨嘅民進黨派出廿三人出選，最終只係攞到五席。帶着呢張「成績表」出戰呢屆眾議院選舉，選情自然唔被睇好，所以民進黨希望借住「小池旋風」，合力推倒安倍政權。對於啱啱成立嘅希望之黨而嚟講，同民進黨合作亦可以紓緩營運資金同參選人數唔夠嘅壓力，達到雙方互惠互利^[5]。

不過，民進黨內部響同希望之黨合作參選嘅問題上存在分歧，主張擺脫政治枷鎖、建立寬容改革保守政黨嘅希望之黨支持安保法同修改憲法，同民進黨入面反對修憲嘅自由派理念有唔同。民進黨入面亦有聲音，批評黨魁前原誠司響希望之黨重未公布具體政綱前，就急住同小池靠攏。亦有分析認為，安倍做出「政治豪賭」。同時，籌碼已經剩返唔多嘅前原亦唯有孤注一擲，不惜被批評「賣黨」都要提出跟希望之黨合併，展現出自己為咗顧全大局，都要擊敗在野黨共同敵人安倍嘅決心^[5]。

希望之黨響全國推舉超過200個參選人，但係都有分析話，即使全部人都贏出，但係都攞唔到眾議院過半議席，要同其他在野黨籌組政府。而代表希望之黨出選嘅民進黨黨員，如果最後成功贏出，之後嘅黨籍問題亦未有共識，所以分析認為前原嘅計劃可能太過理想。小池百合子已經再三排除民進黨解散，併入希望之黨嘅可能性，但係經歷今次選舉之後，民進黨可能加快內部分裂危機，之後係唔係需要改變定位，成為政黨必須要諗嘅問題^[5]。

結果，原本屬於民進黨嘅黨員分裂成三派。首先係加入希望之黨陣營嘅保守派，就好似細野豪志、階猛等，而屬於自由派嘅黨員就創立立憲民主黨，前內閣官房長官枝野幸男係黨主席，前首相菅直人都有加入。最後就係一班「殘留派」，佢哋選擇唔用政黨名義出選，做獨立候選人，民進黨黨魁前原誠司同前首相野田佳彥都係「殘留派」大員^[15][16]。

希望之黨氣勢不再

民調話執政自民黨同公明黨加埋可以攞到三分之二席位。東京都知事小池百合子領導嘅希望之黨原本氣勢如虹，但係支持度已經大不如前，加埋同其他在野黨混戰，未必攞到預期成績。分析話，其中一個原因係小池百合子響修憲同安保議題上，同安倍諗法一樣，選民睇唔出有咩分別。加埋安倍強硬回應北韓核導彈威脅，幫執政聯盟贏返唔少支持。另一方面，連同希望之黨同立憲民主黨在內嘅在野勢力響多個選區，都呈現混戰狀態。除咗一啲在野同執政聯盟各自只有一人對戰嘅選區之外，自民黨響其他選區都保持住明顯優勢，好大機會繼續執政^[8]。

選後

今次眾議院改選，被視為係選民對安倍執政五年嘅信任投票。一如外界所料，自民黨大獲全勝攞到壓倒性勝利，繼續成為眾議院最大黨。安倍認為，結果反映選民支持佢嘅政策，佢會以謙卑嘅心面對。至於修憲問題，佢希望能得到民眾廣泛理解^[17]。

投票日撞啱打風，投票意慾受到影響。今屆投票率只有五成三，比起上屆2014年舉行嘅47屆選舉多唔夠一個百分點^[17]。

執政聯盟順利攞到過半席位，眾議院將會響11月1號舉行特別會議，通過提名推舉安倍繼續擔任首相，令佢有望成為日本戰後在位最耐嘅首相。至於安倍嘅新內閣，全體閣員都會留任。^[18]

自由民主黨

身兼自民黨總裁嘅首相安倍晉三響東京嘅黨總部，響贏出黨員嘅名到貼上代表勝選嘅紅花祝賀^[17]。

立憲民主黨

前內閣官房長官枝野幸男響選前冇久先成立嘅立憲民主黨，成績比預期好，贏到最少四十席。枝野幸男話有噉樣嘅成績正正顯示佢哋傳達嘅訊息，令選民產生共鳴^[17]。

希望之黨

東京都知事小池百合子領導嘅希望之黨成績未如理想，只係贏到最少三十九席，小池承認可能係過於自滿搞到敗選，但係佢否認會辭去黨魁職務^[17]。