葵涌邨大爆疫

 除非特別寫明，否則本文所有時間都係以UTC+8時間為準。

葵涌邨大爆疫^[1][2]，又叫葵涌邨疫情爆發、葵涌邨群組，係指喺武漢肺炎香港疫情入面，喺2022年1月中旬喺新界葵涌葵涌邨嘅播武漢肺炎Omicron變種病毒嘅社區爆發。源頭估計係一個女人喺海景絲麗酒店檢疫期間感染到病毒，佢返屋企後感染咗屋企人同緊密接觸者，而其中一位受感染人士去過葵涌邨逸葵樓嘅垃圾房，可能接觸過嗰度一位清潔工人，清潔工人再將病毒帶到其他樓層同埋屋邨入面其他樓宇^[3]。疫情由1月20號開始被發現，截至2022年1月24號，呢個群組合計有226人確診同初步確診。

大爆疫期間，政府先後喺葵涌邨逸葵樓、映葵樓、夏葵樓實施五日「圍封檢測」，其餘多棟樓亦需要「強制檢測」。