沙士病毒2型Omicron變種
沙士病毒2型Omicron變種（學名：B.1.1.529譜系），俗稱Omicron變種病毒，係隻引起武漢肺炎嘅沙士病毒2型嘅變種病毒，2021年11月9號首先喺波茨華拿發現[1]，並喺英國[2]、德國[3]等國家都有病例得到確認。佢亦都係第一種兼有完全免疫突破同埋相當程度嘅感染性[4]嘅病毒變種。
命名
跟世界衞生組織為武漢肺炎主要變種病毒嘅命名習慣，本應會用第13隻希臘字母Ν（Nu），但最後決定跳咗佢同之後嘅Ξ（Xi），而用咗Ο（Omicron）。世衞解釋話「Nu」同英文嘅「New」（意思係「新」）差唔多音，避免溝通誤會；而唔用「Xi」就係要避免「污名化」。皆因喺外文入面，「Xi」經常用嚟代指中共總書記習近平（佢個姓「習」嘅普通話拼音係「Xi」），所以被認為同呢個決定有關[5]。
由於「Omicron」有唔同嘅中文音譯名，所以呢隻病毒俾人改咗好多花名。例如，反西方國家嘅人叫佢做「歐美窮」[6]；而不滿世衛勾結中共嘅人就叫佢做「我滅共」[7]。