趙恆

宋真宗趙恆（968年12月23號—1022年3月23號）係北宋第三個皇帝，宋太宗第三個仔。

宋真宗趙恆
介紹
名	宋真宗趙恆
廟號	真宗
謚號	應符稽古神功讓德文明武定章聖元孝皇帝
朝代 / 國家	大宋

趙恆十二月初二喺開封府第出世^[1]，阿媽係元德皇后李氏，阿爸係宋太宗。初名德昌。至道元年八月，立為皇儲，改諱恆，禮部侍郎李沆係佢嘅師傅^[2]。佢登基之前出任過開封府尹（首都市長）。

997年以太子身份繼位。喺佢在位嗰陣，宋朝喺1004年遭到遼國入侵，宋朝朝野議論紛紛，由宰相寇準為代表嘅一派，說服咗宋真宗御駕親征，喺澶淵（今日河南濮陽附近）交戰，宋朝贏咗。宋真宗同遼國簽訂咗和約，稱為「澶淵之盟」。

宋真宗治國有方，好似土地耕作面積，就喺佢嗰陣增加至5.2億畝（宋太宗嗰陣，耕地有3億幾畝），國家管理日益完善，北宋比較強盛。1022年，宋真宗喺宮殿入面駕崩，傳位畀宋仁宗，謚號叫做應符稽古神功讓德文明武定章聖元孝皇帝，葬喺永定陵。