鄭裕玲

生平

鄭裕玲出於香港。自小父母離異，並有一個細佬。鄭裕玲喺2009年志雲飯局Live in Stage中透露佢原名就係鄭裕玲，並唔係謠傳嘅鄭曉同。

演藝生涯

鄭裕玲喺1975年中學畢業後因家庭經濟狀況欠佳，而考入香港佳藝電視台藝員訓練班，得到佳視訓練班老師黃霑同埋簡而清嘅推薦，從此走上藝術人生。其後主持第一檔節目《這一代》（1976年）。1978年佳藝電視倒閉後轉投無綫電視。

1979年同周潤發合演電視劇《網中人》，終於大獲成功，且同周潤發成為最佳銀幕情侶形象，此劇亦係其成名作。之後拍攝多部膾炙人口嘅電視劇作品，好似《親情》、《流氓大亨》、《生命之旅》、《警花出更》、《火鳳凰》等30多部作品。

鄭裕玲喺1980年代中離開無綫電視並轉為拍攝電影，高峰時期曾經喺一天內拍攝九組戲，人稱「鄭九組」。曾經主演超過70部電影，例如《飛鷹計劃》、《豪門夜宴》、《表姐，你好嘢！》系列、《三人世界》系列、《八星報喜》、《月亮星星太陽》等。並且分別喺1988年同埋1990年獲得第廿五屆臺灣電影金馬獎、第九屆香港電影金像獎最佳女主角獎項，成為雙料影后。^[1]

1990年代中移民加拿大溫哥華時曾離開演藝事業一段時間，之後返回香港。及後鄭裕玲表示移民乃一個錯誤嘅決定，因為當中使咗唔少錢。返港後繼續喺無綫電視服務，主要擔任綜藝節目同埋大型特備節目嘅司儀工作，憑著理性睿智嘅口才同埋氣質修養被冠以「金牌司儀」嘅美譽。

鄭裕玲努力摸索，經常嘗試唔同挑戰，如舞臺劇、模特兒、配音等等。並且工作態度認真，佢唔遲到嘅作風喺圈中屢獲稱讚，因此成為有口皆碑嘅華人娛樂圈中嘅「大姐大」。1989年當時係英國王儲嘅查理斯三世同第一任老婆戴安娜王妃到港時，鄭裕玲更被邀請成為唯一出席嘅香港藝人。佢從藝歷程裏多次接受CNN、BBC、《TIME》雜誌等海內外媒體嘅採訪，其敬業嘅形象代表華人嘅精神。

鄭裕玲甚少向外透露其家庭嘅情況。鄭裕玲生於一個破碎家庭，父母早年離異，同細佬由母親獨自撫養，因此令佢從小對婚姻有著強烈嘅恐懼，同時亦訓練出其獨立嘅性格。

鄭裕玲未結婚。1980年代曾經同甘國亮相戀十年。1990年代同歌手呂方戀愛維持至2008年10月宣佈分手。2005年兩人均公開表示他們有「唔婚，唔生育」嘅共識。2008年分手收場，結束了長達16年嘅拍拖生涯。

交往長達16年嘅情侶檔鄭裕玲、呂方宣告分手，表示係喺彼此長談過之後嘅決定，並沒有撕破臉，未來仍係好朋友。據香港「東方日報」報導，演藝圈另一位大姊大汪明荃，坦言沒聽鄭裕玲聊過此事，希望外界尊重佢同呂方嘅隱私。鄭裕玲嘅友人包括林建明、曾華倩同寇鴻萍等人都未察覺佢有何異狀，知道消息大為震驚。寇鴻萍說，佢只知道呂方經常為嘟嘟下廚做牛排。

根據香港《太陽報》報導，鄭裕玲同呂方這對知名嘅銀壇「姊弟配」「長短腳之戀」，分手並無第三者，亦都同金錢無涉。鄭裕玲接受雜誌訪問時透露自己年已半百，想要往後嘅人生做自己想做嘅事、有自己嘅空間。由於受到更年期嘅困擾，鄭裕玲經常爆跳如雷，呂方只要晚一點回家，佢就會發瘋似嘅趕呂方下樓^[2]。而呂方也想搬出去住，所以達成分手協議時並沒流淚也無不悅。

兩人攜手走過唔少風雨，但始終存喺著差異：呂方朋友多、喜歡熬夜同樂，鄭裕玲卻少應酬、習慣早睡早起；呂方一直想要舉行婚禮，鄭裕玲從未動過完婚嘅念頭。而今戀情畫下句點，兩人希望以後維持友好關係，呂方更暗示唔放棄有復合嘅可能。

鄭裕玲多次否認整容，只係平日美容用果酸換膚啫。亦因整容傳聞而同國際知名巨星米高積遜扯上關係。^[3]

電視劇（佳藝電視）

• 1976年：《急症室》
• 1977年 - 1978年：《仙鶴神針》、《金刀情俠》、《名流情史》、《紅樓夢》、《神鵰俠侶》

電視劇（無綫電視）

• 1979年：《天虹》、《過埠新娘》、《網中人》（一舉成名，由此奠定咗同周潤發螢幕情侶嘅形象）
• 1980年：《親情》（周潤發）、《輪流轉》、《勢不兩立》
• 1981年：《過客》、《逐個捉》、《鱷魚潭》、《火鳳凰》（周潤發）
• 1982年：《星塵》、《執位夫妻》（曾江）、《荊途》（陳敏兒）
• 1983年：《警花出更》
• 1984年：《超越愛情線》（黃日華）、《家有嬌妻》（梁朝偉）
• 1985年：《呂四娘》（任達華、呂良偉）、《種計》、《開心女鬼》、《鍾無豔》
• 1985年：《楊家將》（汪明荃 趙雅芝 劉德華 張曼玉等）
• 1986年：《流氓大亨》（萬梓良轟動全城之作，當年收視率第一，並開創咗兄弟恩怨電視劇嘅先河）
• 1986年：《倚天屠龍記》（至今好多人認為最佳版本嘅殷素素出自鄭裕玲）
• 1987年：《生命之旅》（萬梓良，當年於上海播放時為全年最高收視，相隔數年後重播仍排名前三位）、《吾妻十三點》
• 1987年-89年：《季節》
• 1996年：《新上海灘》
• 2000年：《男親女愛》（黃子華，之後有同名舞台劇）

電視劇（香港電台）

• 1979年：《獅子山下》（香港電台）

電視劇（其他）

• 1979年：《ICAC - 黑白》新入職廉政公署與劉松仁，關聰為同事
• 1995年：《愛在他鄉》（臺灣中國電視公司電視劇，港譯：被出賣的女人）
• 2001年：《嘟姐駕到》 Oh, Carol!（新加坡新傳媒第五頻道電視劇，為英語情景喜劇）
• 2002年：《嘟姐駕到II》 Oh, Carol! II

電影（1980年代）

電影（1990年代）

電視節目主持（無綫電視）

• BANG BANG 咁嘅聲
• 鄭裕玲星夜傾情
• 智尊打吡賽
• 香港做得到
• 娛樂大搜查
• 人生交叉點
• 智趣相投
• 城市追擊
• 天地最前線
• 全線大搜查
• 歡樂今宵
• 一筆OUT消
• 優質生活派
• 不一樣的對話
• 不一樣的時刻
• 香港無綫電視萬千星輝賀台慶、龍鳳呈祥賀台慶
• 香港小姐競選
• 國際華裔小姐競選
• 星光熠熠耀保良
• 歡樂滿東華
• 慈善星輝仁濟夜
• 梅豔芳特輯——最美麗的回憶
• 梅豔芳真心相聚（梅豔芳去世前最後嘅談話節目）
• 單身女人營（商業電臺節目）
• 臺灣第 39 屆、第 40 屆、第 45 屆金馬獎頒獎典禮
• 香港電影金像獎頒獎典禮
• 香港金紫荊獎頒獎典禮
• 「邵逸夫獎」頒獎儀式
• 15/16（星級主持）
• 絲綢之路（旁白）
• 2005年：第24屆香港電影金像獎
• 2005年：百法百眾
• 2005年：2005香港先生選舉
• 2006年：2006香港先生選舉
• 2007年：2007香港先生選舉
• 2007年：再會歡樂今宵
• 2007年：萬千星輝頒獎禮2007
• 2008年：第27屆香港電影金像獎
• 2008年：2008北京奧運直擊
• 2008年：萬千星輝頒獎禮2008
• 2008年：第45屆金馬獎
• 2008年：2008香港先生選舉
• 2009年：財智達人
• 2009年：2009香港先生選舉

電視節目主持（HOY TV）

• 2023年：去邊啊Do姐

• 男演員：周潤發 成龍 何守信 甘國亮 狄龍 鍾鎮濤 任達華 萬梓良 吳孟達 黃百鳴 劉德華 譚詠麟 鄭少秋 劉青雲 劉松仁 吳鎮宇 吳耀漢 馮粹帆 張國榮 張學友 梁家輝 梁朝偉 洪金寶 鄭丹瑞 鄭則仕 黃秋生 曾志偉 曾江 林子祥 呂良偉 黃子華 黃日華 陳百祥 陳百強 陳松勇 蔡康永 曹啟泰 胡瓜 吳宗憲等
• 女演員：鍾楚紅 張曼玉 王祖賢 汪明荃 沈殿霞 張艾嘉 林憶蓮 吳君如 葉童 葉倩文 薛家燕 袁詠儀 邱淑貞 葉德嫻 梅艷芳 楊紫瓊 張敏 羅美薇 劉嘉玲 趙雅芝 馮寶寶 周慧敏 黃淑儀 李美鳳 狄波拉 李司棋 吳家麗 羅蘭 張小燕 小儀 毛舜筠 章小蕙 狄娜等

在80～90年代，DODO作為香港電影界其中一名炙手可熱嘅演員，拍片數量非常多，所以幾乎跟當時嘅大部分藝人都合作過，且合作過嘅藝人大多數係影帝影后，實力非凡，火花四濺。

• 1984年：第三屆香港電影金像獎最佳新人獎（《花城》）
• 1988年：第二十五屆臺灣電影金馬獎最佳女主角（《月亮星星太陽》）
• 1991年：第十屆香港電影金像獎最佳女主角（《表姐，你好嘢！》）
• 2000年：2000年度萬千星輝賀台慶「本年度我最喜愛的電視角色 -男親女愛-鄭裕玲（毛小慧．Miss Mo）」
• 2000年：2000年度萬千星輝賀台慶「本年度我最喜愛的女主角-男親女愛-鄭裕玲」
• 2005年：2005年度萬千星輝賀台慶最佳主持獎（《百法百眾》）

• 大宅門 配 白文氏

維基語錄收錄咗同呢篇文相關嘅摘錄：:zh:鄭裕玲

• 鄭裕玲嘅facebook頁DoDo
• 鄭裕玲嘅facebook頁Carol Cheng
• 鄭裕玲嘅Instagram頁
• 鄭裕玲嘅新浪微博
• 鄭裕玲喺香港影庫嘅資料（香港繁體）
• 鄭裕玲喺互聯網電影資料庫嘅資料（英文）
• 鄭裕玲｜DJ主持｜商業電台881903.com