長衫[1][2](英譯:Cheongsam),北方通常叫旗袍,係大清流傳落嚟嘅女人衫,民國初年得到改良而流行。
「長衫」原指男女裝,響1980年代後,港人逐漸跟隨海峽兩岸用「旗袍」指女裝[3]。
而家長衫已經唔再係好流行,通常老一輩嘅女人出席隆重場合先至有機會着。但香港有幾間女仔學校都仍然維持用長衫做校服嘅傳統,而一啲比較高檔嘅酒樓嘅知客亦都會用長衫做制服。