陳卓禧
部分公職
政治立場同選舉經歷
佢係香港親中派嘅成員，曾經形容香港反送中運動入面一啲年輕嘅抗爭者衝動，未經深思熟慮，不諳世事捲入社會事件而被定罪入獄，又針對呢啲人喺港專推出「新昕計劃」，意圖要佢哋接受社會建制嘅價值觀[3]。之後，佢亦支持北京未經諮詢或香港人同意，強行訂立引來社會爭議嘅《港版國安法》同埋大幅度削減直選議席嘅「完善選舉制度」法案[4]。
喺2021年9月，佢成為香港特别行政區選舉委員會委員(港區全國政協委員)[5]。2022年，佢喺李家超無提政綱嘅情況下，有份提名李家超參與2022年香港行政長官選舉[6]。
喺2024年，香港政府有意就基本法23條立法，引來社會疑慮同國際社會關注。不過，佢就話如果無意顛覆國家就唔怕[7]。
爭議
被批評政治凌駕教育同專業
喺2017年，佢喺一次接受媒體訪問嘅時候話港專係一間愛國愛港學校，學生如果唔知就係佢哋揀錯學校。言論結果引來坊間一啲批評，其中香港社會工作者總工會指責佢將辦學團體嘅政治信仰強加到學生身上，以權力恫嚇學生，係迷失教育嘅本義。社總又話，尊重同捍衛言論自由係教育工作者嘅責任[8]。