1974年亞洲運動會

第七屆亞洲運動會，於1974年9月1號至16號响伊朗巴列維王朝首都德黑蘭舉行，呢次係第一次响中東地區舉行嘅亞運會，亦係第一次有社會主義國家參與嘅亞運會。

呢屆亞運會亦刮起巨大嘅政治風潮，1973年11月16號，亞洲運動會聯合會（亞洲奧林匹克理事會前身）召開嘅臨時特別會議，以38票對13票通過將中華民國（台灣）排除會籍，由中華人民共和國取代。同時，阿拉伯世界成員國反對以色列參賽，主辦國伊朗頂住壓力，為咗發揚亞運會嘅精神，堅持畀以色列參加比賽。

呢屆亞運會共有25個國家同地區嘅3,010名運動員參加16個比賽項目。