Bernhard Riemann

Georg Friedrich Bernhard Riemann^[1][2] (Breselenz in die hedendaagse Jameln naby Dannenberg aan die Elbe, 17 September 1826 - Selasca in die huidige Verbania aan die Lago Maggiore, 20 Julie 1866) was 'n Duitse wiskundige en wetenskaplike wat baanbrekersbydraes tot die analise, die getalteorie, differensiële meetkunde en wiskundige fisika gemaak het. Hy het analise met meetkunde gekombineer en was 'n wegbaner vir Einstein se algemene relatiwiteitsteorie. Die Riemann-hipotese, na hom genoem, is een van die bekendste oop, onbewese wiskundige hipoteses. Bernhard Riemann word beskou as een van die mees invloedryke wiskundiges van alle tye. ^[3][4]