Björn Höcke
Björn Höcke[1] (gebore 1 April 1972) is 'n Duitse politikus en lid van die politieke party Alternative für Deutschland (AfD).
Björn Höcke | |
|---|---|
 Björn Höcke in 2019 | |
| Gebore | 1 April 1972 |
| Nasionaliteit | Duits |
| Bekend vir | Politikus |
| Politieke party | Alternative für Deutschland |
| Kinders | 4 |
| Webwerf | www |
Uitbeelding
Höcke is in Lünen in Wesfale gebore. Kort na sy geboorte trek die gesin na Neuwied in Rynland-Palts, en later na die naburige Anhausen. Van sy grootouers was etniese Duitsers wat uit Oos-Pruise verdryf is. Sy vader was 'n onderwyser aan die skool vir blindes en siggestremdes in Neuwied en sy moeder was 'n verpleegster van siekes en bejaardes.
Hy gaan skool aan die Laerskool Braunsburg in Anhausen en die Gimnasium Rhein-Wied in Neuwied.[2] Nadat hy in 1991 sy hoërskoolloopbaan met 'n Abitur (Duitse matriekeksamen) afsluit,[2] voltooi hy sy nasionale diensplig en studeer daarna vir twee semesters regte aan die Universiteit van Bonn.[3] Van 1993 tot 1998 studeer hy aan die Justus-Liebig-universiteit in Gießen en die Philipps-universiteit in Marburg sportwetenskappe en geskiedeniswetenskap vir hoërskoolonderwys. Na sy tweede staatseksamen in 2001 verwerf hy in 2005 'n magister artium in skoolbestuur. Hy onderrig tot en met September 2014 sport en geskiedenis aan die Rhenanus-skool in Bad Sooden-Allendorf.[4] Höcke is getroud met vier kinders[5][6] en woon saam met sy gesin in Bornhagen in die administratiewe distrik Eichsfeld.[7]
Verwysings
Eksterne skakels
- (de) Amptelike webwerf
- (de) Björn Höcke op die webwerf van die wetgewer van die deelstaat Thüringen
