Cahokia

Cahokia is die plek van 'n antieke Indiaanse stad wat van omtrent 650 tot 1400 bestaan het. Die stad was aan die Mississippirivier, naby die hedendaagse Collinsville geleë en was in sy bestaanstydperk die grootste stad noord van Meksiko.

Heuwelstaat Historiese terrein Cahokia*
Unesco-wêrelderfenisterrein
Monk's Mound is die grootste aardpiramide noord van Meksiko
Cahokia Ligging van Cahokia in Verenigde State
Koördinate: 38°39′14″N 90°3′52″W / 38.65389°N 90.06444°W / 38.65389; -90.06444 90°3′52″W / 38.65389°N 90.06444°W / 38.65389; -90.06444
Lande	Verenigde State
Tipe	Kultuur
Kriteria	iii, iv
Verwysings	198
Streek†	Amerikas
Inskripsiegeskiedenis
Inskripsie	1982  (6de Sessie)
* Naam soos dit in die Wêrelderfenislys verskyn. † Streek soos deur Unesco geklassifiseer.

Cahokia het 'n oppervlakte van 8,9 km² beslaan. Hierop was 120 kunsmatige aardheuwels aangeleë, waarvan nog 80 bestaan. Die grootste heuwel is Monks Mound, bestaande uit vier verdiepinge en groter as die Groot Piramide van Giza in Egipte. Monks Mound is met 'n oppervlakte van 5 ha en 'n hoogte van 30 m die grootste prehistoriese aardheuwel op die Amerikaanse vasteland.

Cahokia Mounds is een uitstekende voorbeeld van 'n komplekse chiefdomsamelewing met baie grafheuwel-sentra en talle afgeleë gehuggies en dorpe. Op sy hoogtepunt tussen 1050 en 1150 het hierdie agrariese Mound Builders-samelewing waarskynlik 'n bevolking van tussen 10 000 en 20 000 gehad.

Cahokia is in 1982 deur Unesco as wêrelderfenisgebied gelys en word as 'n National Historic Landmark beskerm.