Dimetielselenied

Dimetielselenied is 'n chemiese verbinding met die formule (CH₃)₂Se. Dit is die dimetiel-eter van waterstofselenied H₂Se en dit is 'n vlugtige, kleurlose, stinkende vloeistof wat 'n sterk knoffelrige reuk het.

Eienskappe

Algemeen
Naam	Dimetielselenied
IUSTC-naam	metielselanielmetaan[1]
Chemiese formule	(CH3)2Se
Molêre massa	109,963471 [g/mol]
CAS-nommer	593-79-3
Voorkoms	Stinkende vloeistof
Reuk	knoffelrig [1]
Fasegedrag
Smeltpunt	-87,2 °C [1]
Kookpunt	57 °C [1]
Digtheid	1,4077 [g/cm3] (15  °C) [1]
Oplosbaarheid	24,4 [mg/g] in water [1] oplosbaar in etanol
Henry se konstante	143 kPa kg /mol-1, 0,144 kPa m3/mol[2]
Suur-basis eienskappe
pKa
Veiligheid
Flitspunt	0 °C[3]
LD50	4 g/kg (muis), 2,1 g/kg (rot)[3]
LC50	88,5 g/m3 (muis), 103 g/m3 (rot)[3]
Tensy anders vermeld is alle data vir standaardtemperatuur en -druk toestande.
Portaal Chemie

Die stof kan uit natriumselenied en 'n metielsulfaat vervaardig word volgens die reaksie:^[4]

${\displaystyle Na_{2}Se+2CH_{3}OSO_{3}Na\to (CH_{3})_{2}Se+2Na_{2}SO_{4}}$

Dit is in dieremodelle vasgestel dat seleen 'n kankervoorkomende werking het, maar die aktiewe vorme van die element is nie bekend nie, en die rol van hierdie verbinding is nie duidelik nie.^[1]

Rotte wat met selenaat ingespuit is, stel die stof in hul asems vry en die organismes Scopulatiopis brevicaulis en Aspergillus niger doen dit ook wanneer selenaat of seleniet by hulle voeding gevoeg word.^[5] Die stof speel 'n rol in die vervlugtiging van seleen uit die grond, omrede dit deur bakterieë vrygestel kan word.^[2] In die atmosfeer het die molekule net 'n kort lewensduur (ure) omdat dit met hidroksiel- of nitraatradikale en osoon sal reageer.^[6]Die stof word gebruik as standaard in ⁷⁷Se – kernspinresonansie.^[7]