Dipankara Boeddha

Dipankara (Sanskrit en Pali: Dīpaṃkara, "Lampdraer") is een van die Boeddhas van die verlede. Hy het glo duisend jaar gelede op aarde gewoon. Volgens die Theravada-Boeddhistiese tradisie was hy die vierde van die 29 Boeddhas wie se naam bekend is.

Dipankara Boeddha
Sanjaa (Dipankara) in ’n tempel in Mongolië.
Persoonlik
Oorlede	Nandarama
Loopbaan
Titel	Die Boeddha
Voorganger	Saranankara Boeddha
Opvolger	Kondanna Boeddha
Inwyding	17de eeu

Boeddhiste glo daar was ’n hele reeks Boeddhas in die verlede en dat daar nog ander in die toekoms sal wees. Dipankara is dus een van duisende vorige Boeddhas; die huidige een is Gautama en die toekomstige een Maitreya. Volgens tradisie het Dipankara voorspel dat Gautama in die verre toekoms ’n Boeddha sal word.

Dipankara word gewoonlik uitgebeeld as sittende, maar soms staan hy ook, veral in China, Thailand en Nepal. Hy vorm soms ’n beskermingsteken met sy regterhand, en dikwels met albei hande. Hy word selde alleen uitgebeeld; die bodhisattvas Manjusri en Vajrapani is gewoonlik saam met hom (algemeen in Java) of andersins Avalokiteśvara en Vajrapani (algemeen in Sri Lanka). Soms is hy saam met Gautama en Maitreya.