GNU
GNU (uitspraak: /ɡnuː/)[3][4] is 'n bedryfstelsel en versameling van rekenaarsagteware.[5][6][7][8][9][10] GNU bestaan heeltemal uit vrye sagteware,[11][12][13] waarvan die meeste onder die GNU-projek se eie Algemene Publieke Lisensie (Engels: General Public License, GPL) gelisensieer is.
 | ||
| Ontwikkelaar | ||
|---|---|---|
| Die gemeenskap | ||
| Webblad | www | |
| Vrystellings | ||
| Lisensie | GNU GPL, GNU LGPL, GNU AGPL, GNU FDL, GNU FSDG[1][2] | |
| Kerntipe | Linux | |
| Taal(e) | Veeltalig | |
| Platforms wat ondersteun word | IA-32 (net met Hurd kernel) en Alpha, ARC, ARM, AVR32, Blackfin, C6x, ETRAX CRIS, FR-V, H8/300, Hexagon, Itanium, M32R, m68k, META, Microblaze, MIPS, MN103, OpenRISC, PA-RISC, PowerPC, s390, S+core, SuperH, SPARC, TILE64, Unicore32, x86, Xtensa (net met Linux-libre) | |
| Ondersteuningstatus | ||
| Verdere leesstof | ||
"GNU" is 'n rekursiewe akroniem vir "GNU's Not Unix!" (Engels, GNU is nie Unix nie).[11][14] Die akroniem is gekies omdat die ontwerp van GNU soortgelyk is aan dié van Unix, maar van Unix verskil deurdat dit vrye sagteware is en geen Unix-bronkode bevat nie.[11][3][15]
Die GNU-projek sluit 'n bedryfstelselkern, GNU Hurd, in, wat die oorspronklike fokus van die Free Software Foundation (Engels, Vrye Sagteware-stigting; FSF) was.[11][16][17][18] Aangesien Hurd se kern nog nie produksiegereed is nie,[19] word nie-GNU-kerne, byvoorbeeld die Linux-kern, met GNU-sagteware gebruik.[20][21] Die kombinasie van GNU-sagteware met die Linux-kern is so algemeen dat dit algemeen na verwys word as slegs Linux, en minder algemeen as GNU/Linux.
Richard Stallman, stigter van die GNU-projek, beskou GNU as 'n "tegniese middel tot 'n sosiale doeleinde".[22] Lawrence Lessig skryf in sy voorwoord tot die tweede uitgawe van Stallman se boek Free software, free society dat Stallman daarin oor "die sosiale aspekte van sagteware en hoe vrye sagteware gemeenskap en sosiale geregtigheid kan skep" skryf.[23]
Sien ook
Verwysings
Eksterne skakels
- (en) Amptelike webwerf